એરપોર્ટ સંચાલન / હવે ગૌતમ અદાણી મુંબઈ એરપોર્ટના માલિક, GVK ગ્રુપ પાસેથી સંભાળ્યો કબજો, યુવાનો માટે કરી આ મોટી જાહેરાત

• ગૌતમ અદાણીએ મુંબઈ ઈન્ટરનેશનલ એરપોર્ટનો કબજો સંભાળ્યો
• ખુદ ગૌતમ અદાણીએ ટ્વિટ કરીને મંગળવારે આ વાતની જાણકારી આપી 
• ગૌતમ અદાણીએ હજારો સ્થાનિક લોકોને રોજગારીની જાહેરાત કરી 

ખુદ ગૌતમ અદાણીએ ટ્વિટ કરીને મંગળવારે આ વાતની જાણકારી આપી છે. અદાણી ગ્રુપ છેલ્લા કેટલાક વર્ષોથી એવિએશન સેક્ટરમાં પોતાની પકડ મજબતૂ કરી રહ્યાં છે. મુંબઈ એરપોર્ટનું મેનેજમેન્ટ આ દિશામાં મોટું હસ્તાંતરણ છે. 

We are delighted to take over management of the world class Mumbai International Airport. We promise to make Mumbai proud. The Adani Group will build an airport ecosystem of the future for business, leisure and entertainment. We will create thousands of new local jobs.

— Gautam Adani (@gautam_adani) July 13, 2021

ગૌતમ અદાણીએ ટ્વિટ કરીને જણાવ્યું કે વર્લ્ડ ક્લાસ મુંબઈ ઈન્ટરનેશનલ એરપોર્ટના મેનેજમેન્ટનો કબજો સંભાળી લેતા અમને ખુશી છે. મુંબઈને ગૌરવાન્તિત મહેસૂસ કરાવવું અમારુ વચન છે. અદાણી સમૂહ બિઝનેશ, લક્ઝરી અને મનોરંજન માટે ભવિષ્યના એરપોર્ટ ઈકોસિસ્ટમ ઊભી કરશે. અમે હજારો સ્થાનિક લોકોને રોજગારી આપીશું.

અદાણી પાસે 6 એરપોર્ટ
હાલમાં અદાણી ગ્રુપ અમદાવાદ, લખનઉ, જયપુર, મેંગ્લુરુ, ગુવાહાટી અને તિરૃવનંતપુરમ એરપોર્ટનું સંચાલન કરી રહ્યો છે. આ એરપોર્ટનો ઓપરેટ કરવા માટે અદાણી ગ્રુપ પાસે 50 વર્ષનો કરાર છે. 

GVK Group પાસેથી ચાર્જ લીધો
પહેલા મુંબઈ એરપોર્ટનું સંચાલન GVK ગ્રુપ પાસે હતું. અદાણી ગ્રુપે મુંબઈ ઈન્ટરનેશનલ એરપોર્ટ લિમિટેડમાં જીવેકી ગ્રુપની હિસ્સેદારી ખરીદીને તેનું મેનેજમેન્ટ હાંસલ કર્યું છે. અદાણી સમૂહ પાસે મુંબઈ ઈન્ટરનેશનલ ગ્રુપમાં પહેલેથી જ 23.5 ટકા હિસ્સેદારી હતી. 

અદાણી ગ્રુપ નવી મુંબઈ ઈન્ટરનેશનલ એરપોર્ટ બનાવી રહ્યું છે
અદાણી ગ્રુપની 100 ટકા હિસ્સેદારી ધરાવતી સબસિડરી અદાણી એરપોર્ટ હોલ્ડિંગ્સ લિમિટેડે આવતા  મહિનાથી નવી મુંબઈ ઈન્ટરનેશનલ એરપોર્ટનું નિર્માણ શરુ કરશે. 2024 સુધીમાં આ એરપોર્ટના ચાલુ થવાની ધારણા છે.