- યુરોપના દેશોમાં કોવિશીલ્ડ વેકિસન લીધી હોયતો વેક્સિન પાસપોર્ટ નહી મળી
- અદાર પૂનાવાલાએ આ મામલે લોકોને આશ્વાસન આપ્યું
- ટ્વીટર પર ટ્વીટ કરીને લોકોને આશ્વાસન આપ્યું
યુરોપીયન સંઘના દેશો દ્વારા જે લોકોએ કોવિશીલ્ડ વેક્સિન લગાવી છે તે લોકોને વેકિસન પાસપોર્ટ આપવાની ના પાડી દેવામાં આવી છે. જેને લઈને સીરમ ઈન્સ્ટીટ્યૂટના સીઈઓ અદાર પૂનાવાલાએ કહ્યું છે કે આ મામલે જલ્દીથી નિરાકરણ લાવવામાં આવશે. ટ્વીટર પર ટ્વીટ કરીને પૂનાવાલાએ આ મામલે લોકોને આશ્વાસન આપ્યું છે.
ઉચ્ચસ્તરે વાત કરવામાં આવશે
પૂનાવાલાએ કહ્યું કે જે લોકોને જે લોકોએ કોવિશિલ્ડ વેક્સિન લીધી છે. તે લોકોને યુરોપમાં વેક્સિન પાસપોર્ટ મામલે તકલીફ પડી રહી છે. જેથી હુ તેમને આશ્વાસન આપુ છું કે આ મુદ્દો ઉચ્ચસ્તરે મુકવામાં આવશે. સાથેજ પૂનાવાલાએ આ મામલે જલ્દીથી નિરાકરણ લાવવાની વાત કરી છે. આ સમસ્યાનું નિવારણ લાવવા તેઓ બધાજ પ્રયાસો કરવાના છે.
ચાર વેક્સિનને મંજૂરી
આપને જણાવી દઈએ કે યૂરોપીયન મેડિસિન એંજસી દ્વારા ચાર વેક્સિનને મંજૂરી આપવામાં આવી છે. જેમા એસ્ટ્રાજેનેકા વેક્સિન શામેલ છે. પરંતુ સીરમ ઈન્સ્ટીટયૂટ દ્વારા જે કોવિશીલ્ડ વેક્સિન બનાવામાં આવી છે તેને મંજૂરી આપવામાં નથી આવી. બીજી તરફ ભારતમાં મોટા ભાગના લોકોને હાલ કોવિશીલ્ડ વેક્સિન આપવામાં આવી રહી છે.
1 જુલાઈથી વેક્સિન પાસપોર્ટ અમલમાં
યુરોપિયન સંઘની યોજના અનુસાર 1 જુલાઈથી ડિજિટલ કોવિડ સર્ટિફિકેટ અમલમાં મુકાવામાં આવશે જેને EU પાસપોર્ટ પણ કહેવામાં આવે છે. આ સર્ટિફિકેટનો ઉદ્દેશ કોરોના સામે લડવાનો છે. આ સર્ટિફિકેટ જે લોકોએ વેક્સિનના બંને ડોઝ લીધા હોય અને જે લોકોનો કોરોના રિપોર્ટ નેગેટિવ છે તે લોકોને આપવામાં આવશે. પરંતુ કોવિશીલ્ડ વેક્સિનને તેની મંજૂરી આપવામાં નથી આવી.
ડેલ્ટા વેરિએંટને લઈને ભયનો માહોલ
ઉલ્લેખનીય છે કે હાલ કોરોનાની બીજી લહેરમાં ઘટાડો જોવા મળ્યો છે. પરંતુ કોરોનાના ડેલ્ટા પ્લસ વેરિએંટને લઈને વિશ્વમાં હાલ ભયનો માહોલ ફેલાયેલો છે. વિશ્વના કુલ 85 દેશોમાં હાલ ડેલ્ટા પ્લસ વેરિએંટ જોવા મળ્યો છે. જેના કારણે બધાજ દેશો અત્યારથી એલર્ટ થઈ ગયા છે. એવી સંભવના પણ છે ડેલ્યા વેરિએંટને લઈને ત્રીજી લહેર આવી શકે છે.
