આર-પાર / AAP-ભાજપ આમને-સામને, હર્ષ સંઘવીએ AAP શિક્ષા મોડલને ગણાવ્યું દયનિય, ઇસુદાને કહ્યું સર્વશ્રેષ્ઠ

• ગૃહ રાજ્યમંત્રી હર્ષ સંઘવીના AAP પર પ્રહાર
• AAP સરકારનુ શિક્ષા મોડલ સૌથી નબળુઃ હર્ષ સંઘવી
• દુનિયાભરમાં કેજરીવાલના શિક્ષણ મોડલની ચર્ચા થાય છે : ઇસુદાન ગઢવી

ગુજરાત વિધાનસભાની ચૂંટણી પહેલા આમ આદમી પાર્ટી ગુજરાતમાં ત્રીજા પક્ષ તરીકે ઊભરી આવ્યો છે. જેમાં આપના સર્વેસર્વા અને દિલ્હીના મુખ્યમંત્રી અરવિંદ કેજરીવાલ દ્વારા વારંવાર શિક્ષણ અને મોંઘી વીજળી સહીતના મુદ્દે ગુજરાતની ભાજપ સરકાર સામે પ્રશ્નો ઉઠાવવામાં આવી રહ્યા છે. ત્યારે આજે ગૃહ રાજ્ય મંત્રી હર્ષ સંઘવીએ AAP પર આકરા  પ્રહાર કર્યા હતા. ત્યારબાદ આમ આદમી પાર્ટીના નેતા ઇસુદાન ગઢવીનું નિવેદન સામે આવ્યું છે.

AAP government's Model of education is the poorest and most pathetic model one can ever witness.

Ads and PR are more important for Kejriwal than paying salary to the teachers.

This article is a tight slap on AAP! pic.twitter.com/rqoJpUsnj6

— Harsh Sanghavi (@sanghaviharsh) September 9, 2022

AAPનું શિક્ષા મોડલ દયનિય :  હર્ષ સંઘવી
હર્ષ સંઘવીએ ટ્વિટ કરી AAP સરકારના શિક્ષા મોડલને સૌથી નબળુ ગણાવ્યું હતું. એક લેખને ટાંકીને હર્ષ સંઘવીએ AAPને નિશાને લીધું હતું. એટલું જ નહિ હર્ષ સંઘવીએ જણાવ્યું કે AAPના શિક્ષા મોડલ દયનિય હોવાનો પણ ઉલ્લેખ કર્યો હતો. વધુમાં કેજરીવાલ માટે શિક્ષકોને પગાર ચૂકવવા કરતા વિજ્ઞાપન અને PR વધુ મહત્વનુ હોવાનું અંતમાં હર્ષ સંઘવીએ ઉમેર્યું હતું.

દિલ્લીનું શિક્ષણ મોડલ શ્રેષ્ઠ છે  : ઇસુદાન ગઢવી
ગૃહ રાજ્યમંત્રી હર્ષ સંઘવીના આ ટ્ટવીટને લઈ ભાજપ - AAP આમને સામને આવી ગયા છે. જેમાં હર્ષ સંઘવીના ટ્વિટ મુદ્દે AAP નેતા ઇસુદાન ગઢવીએ દિલ્લી શિક્ષણ મુદ્દે પ્રતિક્રિયા આપી હતી. વળતાં જવાબમાં ઇસુદાન ગઢવીએ જણાવ્યું હતું કે  માત્ર દેશમાં જ નહીં દુનાયામાં પણ કેજરીવાલના શિક્ષણ મોડલના વખાણ થઈ રહ્યા છે.  વધુમાં કેટલાય રાજ્યના મુખ્યમંત્રી દિલ્લીનું શિક્ષણ મોડલ જોવા જતાં હોવાનો પણ ઈસુદાને ઉલ્લેખ કર્યો હતો. આ ઉપરાંત ગુજરાતમાં 6 હજાર સ્કૂલો બંધ કરાઇ હોવાનું અને 700 સ્કૂલોમાં એક જ શિક્ષક થકી ગાડુ ગબડાવવામાં આવતું હોવાનો દાવો કરી પ્રહારો કર્યા હતા.