સુરત / VIDEO : આ ક્યારે અટકશે ! ટેમ્પો પાછળ લટકીને જોખમી મુસાફરી કરી સુરતીએ, નજરચૂક થઈ હોત જાત જીવ

• સુરતમાં વધુ એક જોખમી સવારી
• વાહન પાછળ લટકીને કરી મુસાફરી
• એક શખ્સે પોતાનો જીવ મુક્યો જોખમમાં

આજકાલ યુવાનો સ્ટંટના રવાંડે ચઢ્યા છે, ક્યારેક બાઇક પર તો ક્યારેક બીજી રીતે સ્ટંટ કરતાં તેમજ જોખમી મુસાફરી કરતા જોવામાં મળે છે અને ખાસ કરીને સોશિયલ મીડિયા પર આજકાલ સ્ટંટના કેટલાય વીડિયો વાયરલ થાય છે. રોડ પર ખતરનાક સ્ટંટ કરવો જીવલેણ બની શકે છે, તેની ખબર હોવા છતાં પણ યુવાનો અટકતા નથી અને અવારનવાર રોડ પર સ્ટંટની અને જોખમી મુસાફરીની ઘટનાઓ સામે આવતી હોય છે. ફરી એકવાર સુરતમાંથી જોખમી મુસાફરી કહો કે સ્ટંટનો વીડિયો સામે આવ્યો છે 

જિંદગી રમત ?
સુરતી યુવાનોને પોતાની જિંદગી રમત લાગી રહી છે. કારણ કે, રોજ કોઈને કોઈ વિસ્તારમાં યુવાનો જીવલેણ સ્ટંટ કરતા નજરે પડે છે. તેવામાં ફરી સુરતના ઉધના વિસ્તારનો એક વીડિયો વાયરલ થયો છે. જેમાં એક યુવક જીવના જોખમે એક ટેમ્પોની પાછળ લટકીને મુસાફરી કરતો જોવા મળ્યો છે. 

અકસ્માત થાય તો કોણ જવાબદાર?
તમે ખુદ તે યુવકની જીવલેણ હરકતના વીડિયોને જોઈ ચોંકી જશો તેવો છે. એવું લાગી રહ્યું છે કે,  જાણે તેને પોતાના જીવની કોઈ પરવા જ નથી. જો હાથની પક્કડ ઢીલી પડી અને તે રસ્તા પર પટકાયો તો. પાછળથી આવતી કાર તેના પર ફરી વળી તો શું હાલત થશે તેનો અંદાજ તમે લગાવી શકો છો. જોકે આ વીડિયો કોઈ કાર ચાલકે ઉતારીને વાયરલ કર્યો છે. જે સામે આવતા જ ઉધના પોલીસે સમગ્ર મામલે તપાસ હાથ ધરી છે.