ક્રાઈમ / ડાંગમાં તાંત્રિક ટોળકી પોલીસના હાથે આવી, જમીનમાંથી સોનુ કાઢવાની વિધી કરતા, બાળકીને સાથે રાખી પહોચ્યા હતા ડૂંગર પર

• ડાંગમાં તાંત્રિક ટોળકી ઝડપાઈ 
• સોનું કાઢવાની વિધિ કરતા રંગેહાથ ઝડપાયા 
• માસુમ બાળકીને સાથે રાખી કરતા હતા વિધિ

ડાંગના રૂપગઢ કિલ્લા પાસેથી એક તાંત્રિક ટોળકીનો પર્દાફાશ થયો છે. તાંત્રિક જમીનમાંથી સોનું કાઢવાની વિધિ કરતા સમયે રંગેહાથ ઝડપયા ગયો છે. તાપીના અલઘટ ગામનો પિતા પણ પોતાની દીકરીને લઈને આ વિધિ કરાવવા પહોંચ્યો હતો. 

સ્થાનિક લોકોએ પર્દાફાશ કર્યો 
રૂપગઢના કિલ્લા પર માસૂમ બાળકીને સાથે રાખીને વિધિ કરવામાં આવી રહી હતી. તે સમયે જ સ્થાનિક લોકોએ પર્દાફાશ કર્યો છે. તાંત્રિક બારડોલીના બાબેન ગામનો વતની હોવાનું પણ સામે આવ્યું છે. ત્યારે આ મુદ્દે પોલીસ પણ તપાસ શરૂ કરી છે.

ડીવાયએસપીનું નિવેદન
ડીવાયએસપી એસ જી પાટીલે જણાવ્યું કે, ચાર-પાંચ વ્યક્તિઓ રાત્રિના સમય નાની બાળકીને લઈ ડૂંગર પર જતા કેટલાક સ્થાનિક લોકોને શંકા જતા તેમણે પોલીસને જાણ કરી હતી. જેના પગલે પોલીસે તપાસ હાથ ધરતા ત્યાં ખાડા ખોદેલા હતાં. જે મામલે શંકા જતા તે વ્યક્તિઓની વિગતવાર પૂછપરછ કરવામાં આવી હતી. જેમાં જાણવા મળ્યું છે કે, તે લોકો તાંત્રિક વીધિ કરવા માટે ડૂંગર પર આવ્યા હતા તેમજ બાળકીને એટલા માટે સાથે લઈ આવ્યા હતા કે, તે ભગવાનનું સ્વરૂપ છે અને તે જે દિશામાં જાય અને જ્યાં જઈ ઉભી રહે ત્યાં સોનું નીકળશે. વધુમાં ડીવાયએસપી જણાવ્યું કે, આ મામલે વધુ તપાસ ચાલું છે.