બેદરકારી / રાજકોટમાં રખડતા શ્વાને 5 વર્ષની બાળકીને બચકાં ભરી છૂંદી નાખી! ઘટનાસ્થળે જ મોત, માંસના લોચા બહાર દેખાયા

• રાજકોટમાં રખડતા શ્વાનનો વધ્યો આતંક
•  5 થી 7 રખડતા શ્વાનોએ 5 વર્ષની બાળકીને બચકા ભર્યા
• ઘટનાને લઇને લોકોના ટોળા થયા એકઠા

 રાજકોટમાં રખડતા શ્વાનનો આતંક દિનપ્રતિદિન વધી રહ્યો છે. ત્યારે રખડતા શ્વાનને કારણે 5 વર્ષીય એક બાળકીએ જીવ ગુમાવવો પડ્યો છે. રાજકોટનાં જંગલેશ્વર વિસ્તારમાંથી 5 વર્ષીય બાળકી પસાર થઈ રહી હતી. તે દરમ્યાન 5 થી 7 જેટલા રખડતા શ્વાન બાળકી પર તૂટી પડ્યા હતા. જે બાદ બાળકીનું મોત નિપજ્યું હતું.

પાલિકાની બેદરકારીનાં કારણે બાળકી મોતને ભેટીઃ સ્થાનિકો
આ ઘટનાં બનતા માર્ગ પરથી પસાર થઈ રહેલા લોકો બાળકીને બચાવવા માટે દોડી આવ્યા હતા. પરંતું ત્યાં સુધી બાળકીનું પ્રાણ પંખેડુ ઉડી જવા પામ્યું હતું.  ત્યારે આ બાબતે આજુબાજુનાં રહીશોએ જણાવ્યું હતું કે જંગલેશ્વર વિસ્તારમાં વોકળાનાં કારણે આ વિસ્તારમાં મોટા પ્રમાણમાં ભેગા થતા હોય છે. આ બાબતે અનેક વખત રહીશો દ્વારા રાજકોટ મહાનગર પાલિકામાં લેખિતમાં રજૂઆત કરી હોવા છતાં મહાનગર પાલિકા દ્વારા કોઈ કાર્યવાહી ન કરતા આજે નિર્દોષ બાળકી  મોતને ભેટી હતી. 

પાલિકાની કામગીરી પર અનેક પ્રશ્નો ઉભા થયા
રાજકો મહાનગર પાલિકા દ્વારા રખડતા કૂતરાનાં ત્રાસને લઈ ખસીકરણ અભિયાનને વેગવંતું બનાવી હતી. પરંતું લાખો રૂપિયાનાં ખર્ચ કરી ખસીકરણની કામગીરી થઈ હોવાનાં બણગા મહાનગર પાલિકા દ્વારા ફૂંકવામાં આવ્યા હતા. પરંતું આ ઘટના બાદ મહાનગર પાલિકાની કામગીરી પર અનેક પ્રશ્નો ઉભા થઈ રહ્યા છે.