- આગામી લોકસભાની ચૂંટણીને લઈને ભાજપ દ્વારા ધમધમાટ
- આગામી 2 જાન્યુઆરીના ઉત્તરપ્રદેશમાં શુક્રિયા મોદી ભાઈજાન નામનું વિશેષ અભિયાન
- 'ન દુરી હૈ ન ખાઈ હે, મોદી હમારા ભાઈ હે' ની રખાઈ ટેગલાઈન
આગામી લોકસભાની ચૂંટણી નજીક આવી રહી છે. ત્યારે મુસ્લિમ મહિલા મતદારોને પોતાની તરફ કરવા માટે ભારતીય જનતા પાર્ટી એડીચોટીનું જોર લગાવી રહી છે. આગામી 2 જાન્યુઆરીના ઉત્તરપ્રદેશમાં શુક્રિયા મોદી ભાઈજાન નામનું વિશેષ અભિયાન શરૂ કરવામાં આવશે. જેમાં ઓછામાં ઓછી 1 હજાર મુસ્લિમ મહિલાઓને જોડવાનું લક્ષ્ય છે. મુસ્લિમ મહિલા મતદારોને રિઝવવા માટે આ યોજનાની ટેગલાઈન પણ રાખવામાં આવી છે.. આ ટેગલાઈન 'ન દુરી હૈ ન ખાઈ હે, મોદી હમારા ભાઈ હે' રાખવામાં આવી છે.
ઉત્તર પ્રદેશ ભારતીય જનતા પાર્ટી અલ્પસંખ્યક મોરચાના પ્રમુખ કુંવર બાસિત અલીએ જણાવ્યું કે ‘શુક્રિયા મોદી ભાઈજાન’ કાર્યક્રમમાં મુસ્લિમ મહિલાઓને કેન્દ્રની નરેન્દ્ર મોદી સરકાર દ્વારા તેમના માટે કરવામાં આવેલા કાર્યો વિશે માહિતી આપવામાં આવશે. આ સાથે જ એ પણ જણાવવામાં આવશે કે મુસ્લિમ મહિલાઓ શા માટે ભાજપની સરકારને મત આપવો જોઈએ.
મુસ્લિમ બાળકોને શિષ્યવૃતિ સહિતની યોજનાઓ વિશે સમજાવવામાં આવશે.
લઘુમતિ મોરચાના અધ્યક્ષે જણાવ્યું કે અલગ અલગ વિસ્તારમાં સંમેલનો કરીને મુસ્લિમ મહિલાઓને અલગ અલગ યોજનાઓ વિશે માહિતગારકરવામાં આવશે. જેમ કે ઉજ્જવલા યોજના, પ્રધાન મંત્રી આવાસ યોજના, આયુષ્માન ભારત યોજના, હજ ક્વોટામાં વધારો, મુસ્લિમ બાળકોને શિષ્યવૃતિ સહિતની યોજનાઓ વિશે સમજાવવામાં આવશે.
મોદી સરકારનો આભાર વ્યક્ત કર્યો હતો
અલીએ કહ્યું કે આ અભિયાન આગામી 2 જાન્યુઆરીએ યોજવામાં આવશે. જે આગામી 20 જાન્યુઆરી સુધી ચાલુ રહેશે. ઉત્તરપ્રદેશના તમામ જિલ્લાઓની મુસ્લિમ મહિલાઓએ જિલ્લા મેજિસ્ટ્રેટને આભારનું મેમોરેન્ડમ પણ આપ્યું હતું અને મોદી સરકારનો આભાર વ્યક્ત કર્યો હતો.
સાચા અર્થમાં ભાઈ-બહેનનો સંબંધ કાયમ માટે સ્થાપિત કર્યો
આમ આ વખતે ભારતીય જનતા પાર્ટીએ યુપીમાં ગત વખત કરતા વધુ સીટો જીતવાનું લક્ષ્ય રાખ્યું છે. જેના માટે ભારતીય જનતા એડીચોટીનું જોર લગાવી રહી છે. ત્યારે અભિયાનને ‘શુક્રિયા મોદી ભાઈજાન’ નામ આપવા પાછળનું પણ એક મોટું કારણ છે. જે એ છે કે મોદીએ વિવિધ યોજનાઓમાં મુસ્લિમ મહિલાઓને પ્રાથમિકતા આપીને સાચા અર્થમાં ભાઈ-બહેનનો સંબંધ કાયમ માટે સ્થાપિત કર્યો છે.
