ક્રાઈમ / સ્યુસાઇડ અને મર્ડર.! Google પર સર્ચ કર્યું How to hang, દોસ્તને ફોન કરી કહ્યું મૈ બધાને મારી નાખ્યા, રાજધાનીનો કિસ્સો

• દિલ્હીનાં એક વ્યક્તિએ કર્યું મર્ડર
• પોતાની પત્ની અને દીકરીને છરીથી મારી કરી હત્યાં
• છેલ્લે પોતે પણ પંખાથી લટકી કરી આત્મહત્યા

દિલ્હીનાં શાહદરા વિસ્તારમાં એક વ્યક્તિએ પોતાની 40 વર્ષીય પત્ની અનુરાધા અને 6 વર્ષની દીકરીની છરી મારીને હત્યા કરી દીધી. પોલીસ અનુસાર DMRCમાં સુપરવાઈઝરનાં પદ પર કામ કરી રહેલા 45 વર્ષીય સુશીલે આ બંનેના મર્ડર બાદ પંખાથી લટકીને આત્મહત્યા કરી હતી.

સર્ચ કર્યું How to Hang
ઘટનાની જાણકારી મળતાં જ પોલીસ ઘટના સ્થળે પહોંચી અને તેમને ત્યાંથી એક છરી મળી આવી. પોલીસે ઘરનાં કમ્પ્યુટરની તપાસ કરી જેમાં સુશીલે સર્ચ કર્યું હતું કે How to Hang એટલે કે ફાંસી પર કઈ રીતે લટકવું? કમ્પ્યુટર પર સર્ચ કર્યાં બાદ સુશીલે આપઘાત કર્યો હતો. સુશીલે પોતાના 13 વર્ષનાં પુત્રને પણ મારવાનાં પ્રયત્નો કર્યાં હતાં પરંતુ સદનસીબે તે બચી ગયો અને હાલમાં હોસ્પિટલમાં સારવાર લઈ રહ્યો છે.

એક વ્યક્તિને ફોન કરી આપી માહિતી
જાણકારી અનુસાર PCR કોલને બપોરે 12 વાગ્યા આસપાસ એક ફોન કોલ આવ્યો જેમાં ફોન કરનારાએ જણાવ્યું કે તે D બ્લોક 78/1 શેરી નંબર 8માં શાહદરામાં રહે છે. તેણે જણાવ્યું કે મારી સાથે સુશીલ કુમાર મેટ્રોમાં કામ કરે છે અને તે આજે ઓફિસ નથી આવ્યો. મેં એને ફોન કર્યો તો તે રડી રહ્યો હતો અને તેણે મને જણાવ્યું કે મેં ઘરમાં બધાંને મારી દીધું છે.

ઘરને સીલ કરી દેવામાં આવ્યું
પોલીસે આ કોલને વેરિફાઈ કર્યું અને તાત્કાલિક ઘટના સ્થળે પહોંચી. તેમને ત્યાં 3 લોકોનાં શવ મળ્યાં. પોલીસ અનુસાર સુશીલનો શવ પંખાથી લટકેલો હતો. તેની પત્ની અને પુત્રીનાં શરીર પર છરીનાં ઘા જોવા મળ્યાં હતાં. આ સમગ્ર કેસની હાલમાં પોલીસ દ્વારા તપાસ કરવામાં આવી રહી છે. અને ઘરને સીલ કરી દીધું છે.