આગાહી / આગામી 4 દિવસ ગુજરાતમાં ભારે ગાજવીજ સાથે ત્રાટકશે આફતરૂપી માવઠું, જાણો શું કહે છે પરેશ ગોસ્વામીની આગાહી

રાજ્યમાં કમોસમી વરસાદને લઈ હવામાન વિભાગ, હવામાન નિષ્ણાંત અંબાલાલ પટેલ તેમજ હવામાન ખાતાનાં વૈજ્ઞાનિક પરેશ ગોસ્વામી દ્વારા આગાહી કરવામાં આવી છે. પરેશ ગૌસ્વામી દ્વારા વરસાદને લઈ આગાહી કરવામાં આવી છે કે આગામી પાંચ દિવસ રાજ્યનાં અનેક વિસ્તારોમાં ભારે પવન અને ગાજવીજ સાથે વરસાદ જોવા મળશે. તેમજ મોટાભાગનાં વિસ્તારોમાં વરસાદનું પ્રમાણ એક ઈંચ કરતા વધારે હશે. તેમજ રવિવારે બપોર બાદ મધ્ય પ્રદેશની બોર્ડર પર આવેલા વિસ્તારોમાં હવામાનમાં પલ્ટો આવશે.

13થી 15 મે દરમિયાન મધ્ય ગુજરાતના જિલ્લાઓમાં વરસાદ જોવા મળશે

હવામાન ખાતાનાં વૈજ્ઞાનિક પરેશ ગોસ્વામીએ જણાવ્યું હતું કે, સોમવારે દક્ષિણ ગુજરાતનાં તમામ વિસ્તારોમાં ગાજવીજ સાથે વરસાદ જોવા મળશે. 13 થી 15 મે દરમ્યાન મધ્ય ગુજરાતનાં જીલ્લાઓમાં વરસાદ જોવા મળશે. જેમાં અમદાવાદ, આણંદ, નડિયાદ, ખેડા, વડોદરામાં આગામી 3 દિવસ હવામાનમાં પલ્ટો જોવા મળશે. સમગ્ર રાજ્યમાં મધ્ય ગુજરાતમાં ગાજવીજ અને વરસાદની સૌથી વધુ તીવ્રતા જોવા મળશે. તેમજ બનાસકાંઠા, સાબરકાંઠા, મહેસાણા અને પાટણમાં આગામી 3 દિવસ ગાજવીજ સાથે વરસાદ પડશે. ગીર સોમનાથ, અમરેલી, ભાવનગર, બોટાદ, સુરેન્દ્રનગરનાં વાતાવરણમાં પલ્ટો આવશે. રાજકોટ અને જૂનાગઢમાં પણ આગામી 3 દિવસ ગાજવીજ સાથે વરસાદ પડશે.

અમદાવાદના કેટલાક ભાગોમાં પણ ભારે પવન સાથે વરસાદની આગાહી

તા. 12 થી 16 દરમ્યાન વડોદરાનાં ભાગો, મધ્ય ગુજરાત, અમદાવાદ, ગાંધીનગર તેમજ ઉત્તર ગુજરાતનાં અનેક ભાગોમાં વરસાદ પડશે. આ ઉપરાંત સમી, હારીજ વિસ્તારમાં પલટો આવશે. તેમજ સુરતનાં પણ કેટલાક ભાગોમાં વરસાદ પડી શકે છે. તેમજ પ્રિ મૌન્સુન એક્વીટીનો વરસાદ થઈ શકે છે. તેમ હવામાન નિષ્ણાંત અંબાલાલ પટેલે જણાવ્યું હતું.

વધુ વાંચોઃ અમદાવાદ સિવિલમાં શરૂ કરાયો હીટવેવ વોર્ડ, લોકોને 24 કલાક પાણી ઉપલબ્ધ કરાશે, 108 રહેશે એલર્ટ મોડ પર

12 થી 14 મે નાં રોજ મેઘ ગર્જનાં સાથે વરસાદની ચેતવણી

હવામાન વિભાગ દ્વારા તા. 12 નાં રોજ મહીસાગર, દાહોદ, પંચમહાલ, વડોદરા, છોટાઉદેપુર, નર્મદા, સુરત, તાપી, નવસારી, ડાંગ, વલસાડ સહિતનાં વિસ્તારોમાં મેઘ ગર્જનાં સાથે વરસાદની ચેતવણી આપવામાં આવી છે.તા. 13 નાં રોજ બનાસકાંઠા, સાબરકાંઠા, અરવલ્લી, મહીસાગર, દાહોદ, પંચમહાલ, છોટા ઉદેપુર, નર્મદા, સુરત, તાપી, નવસારી, ડાંગ, વલસાડ, ભાવનગર, અમરેલી, ગીર સોમનાથ વિસ્તારમાં વરસાદની આગાહી કરવામાં આવી છે.તા. 14 મે નાં રોજ રાજ્યનાં બનાસકાંઠા, સાબરકાંઠા, અરવલ્લી, ગાંધીનગર, મહીસાગર, દાહોદ, સુરેન્દ્રનગર, અમદાવાદ, ખેડા, પંચમહાલ, આણંદ, વડોદરા, ભરૂચ,બોટાદ, ભાવનગર, તેમજ સુરતમાં હવામાન વિભાગ દ્વારા વરસાદની આગાહી કરવામાં આવી છે.