VIDEO / રસ્તા પરથી કાર પસાર થઇ રહી હતી અને અચાનક ઉપરથી ધડાધડ પથ્થરો પડવા લાગ્યાં અને પછી..., જુઓ શું થયું

• હિમાચલ પ્રદેશના સોલનથી એક ચોંકાવનારો વીડિયો
• હિમાચલ પ્રદેશમાં ભારે ભૂસ્ખલનનો વિડીયો સામે આવ્યું 
• કાર પસાર થતી હતી અને અચાનક ઉપરથી ધડાધડ પથ્થરો પડવા લાગ્યાં 

હિમાચલ પ્રદેશના સોલનથી એક ચોંકાવનારો વીડિયો સામે આવ્યો છે. વાત જાણે એમ છે કે, હિમાચલના પરવાનુ શિમલા ફોરલેનમાં દાત્યાર પાસે પહાડનો કાટમાળ રસ્તા પર પડ્યો હતો. આ દ્રશ્ય કેટલું ખતરનાક છે, તે આ વીડિયોમાં સ્પષ્ટ જોઈ શકાય છે. આ કાટમાળ તે સમયે પડ્યો હતો જ્યારે બે સફેદ રંગની કાર રોડ પરથી આવી રહી હતી. કાર ચાલકોનું નસીબ સારું હતું કે મૃત્યુ તેમની નજીકથી પસાર થયું હતું અને કાટમાળના મોટા પથ્થરો કાર પર પડ્યા ન હતા. 

સોલનમાં બનેલ આ ઘટનામાં જો આ પથ્થરો વાહન પર પડ્યા હોત તો મોટી ઘટના બની શકી હોત. જણાવવામાં આવી રહ્યું છે કે, આ વાહનો શિમલાથી ચંદીગઢ જઈ રહ્યા હતા. ભૂસ્ખલનની આ મોટી ઘટના બાદ પણ તમામ મુસાફરો સુરક્ષિત છે. ગઈકાલે પણ ધરમપુર કસૌલી રોડનો મોટો હિસ્સો ધરાશાયી થયો હતો જેના કારણે આ રસ્તો 10 દિવસ સુધી બંધ રાખવો પડ્યો હતો. હવે કસૌલી જવા માટે વાહનોને સુખી જોડી પાસેથી પસાર થવું પડે છે.

પહાડોમાં ભૂસ્ખલન એક સામાન્ય ઘટના
ઉનાળાના આ દિવસોમાં મોટી સંખ્યામાં પ્રવાસીઓ રજાઓ ગાળવા અને ગરમીથી રાહત મેળવવા માટે પહાડી વિસ્તારો તરફ વળે છે. વરસાદની મોસમમાં હિમાચલમાંથી આવી અનેક ઘટનાઓ સામે આવે છે. જોકે વહીવટીતંત્ર દ્વારા હાઇ એલર્ટ પણ જાહેર કરવામાં આવ્યું છે અને લોકોને અપીલ કરવામાં આવી છે કે, તેઓ તેમના ઘરની બહાર ન નીકળે જ્યાં સુધી તે અત્યંત જરૂરી ન હોય.