- વડોદરાના હરણી તળાવમાં બોટ પલટી જતા 12 માસૂમોના મોત
- ન્યુ સનરાઇઝ સ્કૂલના વિદ્યાર્થીઓ બોટ પર હતા સવાર
- કલેક્ટર, મેયર અને સ્ટેન્ડિંગ કમિટી ચેરમેન પણ ઘટના સ્થળે
વડોદરાના હરણી તળાવમાં બોટ પલટી જતા મોટી દુર્ઘટના ઘટી છે. અત્યાર સુધી 14ના મોત થયાની વિગતો સામે આવી છે. આપને જણાવીએ કે, બોટમાં 23 બાળકો અને 4 શિક્ષકો સવાર હતાાં. જેમાંથી 13 વિધાર્થીઓને સારવાર માટે હોસ્પિટલ ખસેડવામા આવ્યા છે. જ્યારે 12 લોકો તળાવમાં ડૂબ્યા છે, આ તમામ ન્યુ સનરાઇઝ સ્કૂલના વિદ્યાર્થીઓ અને શિક્ષકો હતાં.
લાઈફ જેકેટ પહેરાવ્યા વગર બોટમાં બેસાડ્યાનો ખુલાસો
આ સમગ્ર ઘટનાને પગલે કલેક્ટર, મેયર અને સ્ટેન્ડિંગ કમિટી ચેરમેન પણ ઘટના સ્થળે પહોંચ્યા હતાં. ઉલ્લેખનીય છે કે, વિદ્યાર્થીઓને લાઈફ જેકેટ પહેરાવ્યા વગર બોટમાં બેસાડ્યાનો પણ ખુલાસો થયો છે. જો કે, ફાયર વિભાગની ટીમ વિદ્યાર્થીઓની શોધખોળ કરી રહી છે.
વાંચવા જેવું: વડોદરા બોટ દુર્ઘટનામાં સ્કૂલે પ્રવાસની મંજુરી લીધી હતી કે નહીં? શાળા માટે શું છે નિયમ, કોની મંજૂરી લેવી જરૂરી
પોલાીસ કમિશનરનું નિવેદન
બોટ પલટી જવા મામલે પોલીસ કમિશનર કહ્યું કે, પ્રાથમિક માહિતી મુજબ 23 બાળક અને 4 શિક્ષક બોટમાં સવાર હતા. લાઈફ જેકેટ પહેરેલા 11 જેટલા લોકોનું રેસ્ક્યૂ થયું છે. જેમાંથી 7 જેટલા લોકોને જુદી-જુદી હોસ્પિટલમાં સારવાર હેઠળ મોકલાયા છે. જ્યારે અન્ય લોકોનું રેસ્ક્યૂ કરવામાં આવી રહ્યું છે. પાણીમાં સેવાળ હોવાથી તરવૈયાઓને મુશ્કેલી પડી રહી છે.
સળગતા સવાલ ?
હરણી તળાવ કાંડમાં જવાબદાર કોણ?
કોની બેદરકારીને લઈ બાળકોની બોટ પલટી છે?
કેમ પ્રશાસન ધ્યાન નથી આપતી?
શું બોટમાં ખામીને લઈ દુર્ઘટના સર્જાઈ છે?
શું સુરક્ષા વગર વિદ્યાર્થીઓ બોટમાં સવારી કરતા હતા?
લાઈફ જેકેટ વગર બોટમાં જવા કોણે પરવાનગી આપી?
માત્ર પૈસા કમાવવા પ્રશાસનને બોટ સેવા શરૂ કરી છે?
લોકોના જીવનો કોઈ મૂલ્ય નથી?
