- પાટણના રાધનપુર- સમી હાઇવે પર અકસ્માત
- આણંદના વઘવાલા પાસે પણ અકસ્માતની ગોઝારી ઘટના
- બનાસકાંઠામાં પતિ-પત્નીનું અકસ્માતમાં મોત થતા અરેરાટી
- રાધનપુર સમી હાઈવે માર્ગ ઉપર અકસ્માત: એકનું મોત
પાટણના રાધનપુર- સમી હાઇવે પર અકસ્માતની ઘટના સામે આવી હતી. જેમાં રાધનપુરના ચામુંડા મંદિર રોડ પાસે બાઈક અને ટ્રેક્ટર વચ્ચે અકસ્માત સર્જાતા બાઈક સવાર યુવાનનું કમકમાટીભર્યું મોત નીપજ્યું હતું. જ્યારે એક વ્યક્તિને ગંભીર ઇજા થતા તાત્કાલિક સારવાર માટે ખસેડાયો હતો. બનાવની જાણ થતા પોલીસે ઘટના સ્થળ પર પહોંચી તપાસ હાથ ધરી હતી.
જેતપુરમાં ટેન્કર નીચે બે વર્ષનો બાળક આવી જતા મોત
અકસ્માતની અન્ય એક ઘટના જેતપુરમાં સામે આવી હતી. જેમાં જેતપુરના રબારીકા રોડ ઉપર કારખાનામાં આવેલ ટેન્કર નીચે બે વર્ષનો બાળક આવી જતા તેનું મોત થયું હતું. જે અંગે જાણ થતા પરિજનોમાં કાળો કલ્પાંત ફેલાયો હતો.બાદમાં મૃતદેહને જેતપુર સરકારી હોસ્પિટલ પીએમ અર્થ ખસેડાયો હતો. જ્યાં જેતપુર ઉદ્યોગ નગર પોલીસ ઘટના સ્થળ પહોંચી તપાસ હાથ ધરી હતી.
બોટાદના ગઢડા તાલુકાના અડતાળા હાઇવે પર અકસ્માત : એકને ઇજા
વધુમાં બોટાદના ગઢડા શહેરનાં અડતાળા રોડ પર પણ અકસ્માત થયો હતો. જેમાં કાર અને બાઈક વચ્ચે અકસ્માત થતા બાઈક ચાલકને થઈ ગંભીર ઈજાઓ થઈ છે. ઈજાગ્રસ્ત વ્યક્તિને ગઢડા હોસ્પિટલ ખાતે સારવાર અર્થે ખસેડવામાં આવ્યો છે.
બાઈક સવાર બે યુવકોને ઈજાઓ થઇ હતી.
તે જ રીતે સુરતના કીમ માંડવી સ્ટેટ હાઇવે પર અકસ્માત થયો હતો. માંગરોળના નવાપરા ગામ નજીક બાઈક અને સ્કૂલ વાન વચ્ચે અક્સ્માત થતા ઘટનામાં બાઈક સવાર બે યુવકોને ઈજાઓ થઇ હતી. તથા અકસ્માતને પગલે સ્ટેટ હાઇવે પર ટ્રાફિક જામના દ્રશ્યો સર્જાયા હતા.
અમીરગઢના આવલ પાસે અકસ્માતમાં પતિ-પત્નીનું સારવાર દરમિયાન મોત
આ ઉપરાંત બનાસકાંઠાના અમીરગઢના આવલ પાસે બાઈક સ્લીપ થતા અકસ્માત સર્જાયો હતો. જેમાં પતિ-પત્નીનું અકસ્માતમાં મોત થતા અરેરાટી મચી હતી. રાજસ્થાનના ઝામર ગામનું દંપતી અમીરગઢ આવી રહ્યું હતું. જેનું બાઈક અકસ્માતમાં સારવાર દરમિયાન પતિ-પત્નીનું સારવાર નિપજતા સનસનાટી મચી છે.
ત્રિપલ અકસ્માતમાં 2 લોકોના મોત
આ સાથે આણંદના વઘવાલા પાસે પણ અકસ્માતની ગોઝારી ઘટના સામે આવી હતી. જેમાં ત્રિપલ અકસ્માતમાં 2 લોકોના મોત થયા છે.સરસ્વતી સ્કૂલ પાસે 2 કાર અને બાઈક વચ્ચે અકસ્માત થતા બે કાર વચ્ચે બાઈકચાલક ફસાઈ જતા મૃત્યુ જ્યારે કાર,ઇકો કાર અને બાઈક વચ્ચે ત્રિપલ અકસ્માતમાં 3 લોકોને ગંભીર ઈજાઓ પહોંચી હતી.વધુમાં સુરેન્દ્રનગરમાં લીંબડી પાસે રીક્ષાએ પલટી મારતા અકસ્માત થયો હતો. જેમાં રીક્ષામાં બેઠેલા મુસાફરોને ગંભીર ઇજા થતા ઇજાગ્રસ્તોને સારવાર અર્થે હોસ્પિટલ ખસેડાયા હતા.
