આફત / ગિરનાર જંગલમાં ભારે વરસાદથી 40 લોકો ફસાયા, પાણીનો પ્રવાહ અચાનક વધતાં રસ્તો બંધ થયો

જુનાગઢના ગિરનાર જંગલમાં ભારે વરસાદથી 40 લોકો ફસાયા હતા. આત્મેશ્વર મહાદેવ મંદિર નજીક અચાનક પાણીનો પ્રવાહ વધી જતાં લોકો ફસાયા હતા. ફસાયેલા લોકોને વન વિભાગ અને ફાયર બ્રિગેડે સહી-સલામત બહાર કાઢ્યા હતા.

ગિરનાર પર અચાનક ધોધમાર વરસાદ

બપોરના સમયે ગિરનાર પર અચાનક ધોધમાર વરસાદ થતાં પહાડી માર્ગો પર પાણીનો અતિ રૌદ્ર પ્રવાહ શરૂ થઈ ગયો હતો. મંદિરેથી પરત ફરી રહેલા યાત્રિકો સામા કાંઠે જ અટવાઈ પડ્યા હતા. છેલ્લા કેટલાક કલાકોમાં જૂનાગઢ શહેર અને ગિરનાર પર્વતમાળા પર 2.76 ઇંચથી વધુ વરસાદ નોંધાયો છે. આ ભારે વરસાદને કારણે પવિત્ર દામોદર કુંડમાં નવા નીરની ભારે આવક થઈ છે અને કાળવા નદી બે કાંઠે વહેતી થઈ છે. ગિરનારના પહાડો પરથી અનેક કુદરતી ઝરણાંઓ પણ જીવંત બન્યા હતા.

વધુ વાંચો : ગુજરાતમાં ચોમાસાની વિદાયને લઈને આવ્યાં મોટા સમાચાર, જાણો હવામાન વિભાગે શું કરી આગાહી?

ગુજરાતમાં ભારે વરસાદ

આજે દિવસ દરમિયાન જુનાગઢ સહિત સમગ્ર ગુજરાતમાં ભારે વરસાદ વરસ્યો હતો. શહેરના અનેક વિસ્તારોમાં બપોર બાદ ધીમી ધારે વરસાદ શરૂ થયો હતો. કાળવા ચોક, બસ સ્ટેશન સહિતના વિસ્તારોમાં વરસાદી ઝાપટાં પડતાં રસ્તાઓ પર પાણી ફરી વળ્યા હતા. ભવનાથ વિસ્તારમાં પણ વરસાદ નોંધાયો હતો. ફરી વરસાદ થતાં જૂનાગઢ પંથકના ખેડૂતોમાં ખુશીની લહેર જોવા મળી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ