જમીનદોસ્ત / દિલ્હીમાં બોમ્બથી ઉડાવી દેવાશે 12 ટાવરના 336 ફ્લેટ્સ: ટ્વીન ટાવરથી પણ મોટો બ્લાસ્ટ કરાશે, જાણો કારણ

• નોઈડા બાદ હવે દિલ્હીમાં 12 ટાવરને વિસ્ફોટ દ્વારા ઉડાવી દેવામાં આવશે!
• ટાવર્સને તોડી પાડવા માટે ટ્વીન ટાવરની ફોર્મ્યુલા અપનાવશે 
• આ 12 ટાવરમાં રહેતા લોકોનું શું થશે?

ગયા વર્ષે નોઈડામાં ટ્વીન ટાવરને બ્લાસ્ટ કરીને ઉડાવી દેવામાં આવ્યું હતું. એ કિસ્સો તો તમને યાદ જ હશે કે કેવી રીતે 32 માળના ટાવરને ગનપાવડરનો વિસ્ફોટ કરીને સેકન્ડોમાં જમીનદોસ્ત કરી દેવામાં આવ્યું હતું. આવું જ દ્રશ્ય ફરી એકવાર જોવા મળવાનું છે. 

દિલ્હીમાં 12 ટાવરને વિસ્ફોટ દ્વારા ઉડાવી દેવામાં આવશે!
વાત એમ છે કે નોઈડા બાદ હવે દિલ્હીમાં અસુરક્ષિત જાહેર કરાયેલા 12 ટાવરને ઉડાવી દેવામાં આવશે. દિલ્હી ડેવલપમેન્ટ ઓથોરિટી (DDA)ના અધિકારીઓ મુખર્જી નગરમાં સિગ્નેચર વ્યૂ ટાવર્સને તોડી પાડવા માટે ટ્વીન ટાવરની ફોર્મ્યુલા અપનાવવા જઈ રહ્યા છે. DDA અધિકારીઓએ બુધવારે જણાવ્યું હતું કે મુખર્જી નગરમાં તૂટી રહેલા સિગ્નેચર વ્યૂ ટાવર્સને સુરક્ષિત રીતે તોડી પાડવા માટે નિયંત્રિત વિસ્ફોટ એકમાત્ર રસ્તો હોઈ શકે છે.અધિકારીઓએ એમ જણાવ્યું હતું કે, 'નિષ્ણાતો સાથે ચર્ચા કર્યા બાદ અંતિમ નિર્ણય લેવામાં આવશે.' 

એપાર્ટમેન્ટને તોડી પાડવાનો એકમાત્ર રસ્તો છે
જાણકારોનું કહેવું છે કે સ્થળ પર નિરીક્ષણ અને વિગતવાર સર્વે કર્યા બાદ નક્કી કરવામાં આવશે કે કઈ ટેકનિકથી ટાવર તોડી નાખવા જોઈએ. આ નિર્ણય સુરક્ષા, સમય અને ખર્ચને ધ્યાનમાં રાખીને લેવામાં આવશે.ડીડીએના અધિકારીઓએ જણાવ્યું હતું કે અત્યાર સુધી તે શ્રેષ્ઠ વિકલ્પ જણાય છે અને ગયા વર્ષે નોઈડામાં ટ્વીન ટાવરને તોડી પાડવા માટે તેનો ઉપયોગ કરવામાં આવ્યો હતો. 2010માં સિગ્નેચર વ્યૂ એપાર્ટમેન્ટ બનાવનાર DDAના એક વરિષ્ઠ અધિકારીએ જણાવ્યું હતું કે, "અમે આંતરિક ચર્ચાઓ કરી છે અને સમયસર અને કાર્યક્ષમ રીતે એપાર્ટમેન્ટને તોડી પાડવાનો એકમાત્ર રસ્તો છે."

ટાવરમાં રહેતા લોકોનું શું થશે?
કરાર મુજબ ટાવરમાં રહેતા લોકોએ તેમના ફ્લેટ ખાલી કરવા પડશે. આ ટાવરને તોડી પાડ્યા પછી, ડીડીએ તેનું પુનઃનિર્માણ કરશે અને ત્રણ વર્ષમાં તેને પાછું લાવશે. ત્યાં સુધી ફ્લેટ માલિકો ભાડાના મકાનમાં રહેશે. DDA દ્વારા તેમને ભાડા તરીકે રકમ ચૂકવવામાં આવશે. એક અધિકારીએ જણાવ્યું હતું કે પ્રારંભિક પડકાર શક્ય તેટલી વહેલી તકે ટાવર ખાલી કરવાનો છે.ર હેવાસીઓ સાથે વાતચીત કરવામાં આવી છે. આ ટાવર બે મહિનામાં ખાલી કરવામાં આવશે. '

શા માટે ટાવર તોડી પાડવામાં આવે છે?
સિગ્નેચર વ્યૂ એપાર્ટમેન્ટ્સમાં કુલ 12 ટાવર છે. તેમાં 336 ફ્લેટ બનેલઆ છે અને માત્ર 13 વર્ષ પહેલા બનેલા આ ટાવર જોખમી બની ગયા છે. કેટલીક દિવાલોમાં તિરાડો છે તો કેટલાક ફ્લેટની છત તૂટી રહી છે. નવેમ્બર 2022 માં, IIT દિલ્હીના નિષ્ણાતોએ તેની તપાસ કરી અને અહેવાલ આપ્યો કે એપાર્ટમેન્ટ વસવાટ માટે યોગ્ય નથી. દિલ્હીના એલજી વીકે સક્સેનાએ આ વર્ષે જાન્યુઆરીમાં ડીડીએને ટાવર ખાલી કરવા અને તેનું પુનઃનિર્માણ કરવાનો આદેશ આપ્યો હતો.