દુર્ઘટના / ભઠ્ઠીમાંથી ધગધગતું સ્ટીલ ઓગળીને શ્રમિકો પર પડ્યું, ત્રણના નિધન: કચ્છમાં મોટી દુર્ઘટના

• અંજારની બુઢારમોરા કેમો સ્ટીલ કંપનીમાં દુર્ઘટના મામલો
• સ્ટીલ કંપનીમાં ભઠ્ઠી ઉભરાઈ જતા 7 શ્રમિકો દાઝ્યા હતા
• 3 શ્રમિકોનાં સારવાર દરમ્યાન અમદાવાદ ખાતે મોત નિપજતા

કચ્છનાં બુઢારમોરા ગામે આવેલી કેમો સ્ટીલ કંપનીમાં ભઠ્ઠી ઉભરાતા ભઠ્ઠીમાં પીગળેલું સ્ટીલ ઉભરાતા 7 શ્રમિકો ગંભીર રીતે ઈજાગ્રસ્ત થયા હતા. જેઓને તાત્કાલિક સારવાર અર્થે અમદાવાદની ખાનગી હોસ્પિટલમાં સારવાર અર્થે ખસેડાયા હતા. જ્યાં સારવાર દરમ્યાન આજે સવારે 3 કામદારોનું મોત નિપજ્યા હતા.  જ્યારે 4 શ્રમિકોની હાલત ગંભીર હોવાનો હોસ્પિટલે દાવો કર્યો હતો. 

ગત મોડી રાત્રે બની હતી ઘટના
ગત રોજ મોડી રાત્રીનાં સુમારે કચ્છનાં અંજાર વિસ્તારમાં આવેલ કેમો સ્ટીલ કંપનીમાં મોડી રાત્રીનાં સુમારે મોટી દુર્ઘટનાં સર્જાવા પામી હતી.  જેમાં સ્ટીલ કંપનીની ભઠ્ઠી ઉભરાઈ જતા 7 જેટલા લોકો ગંભીર રીતે દાઝ્યા હતા. ત્યારે અચાનક જ ભઠ્ઠી ઉભરાઈ જતા નાસભાગ મચી જવા પામી હતી. આ ઘટનામાં ગંભીર રીતે ઘાયલ થયેલા કામદારોને તાત્કાલિક અમદાવાદ ખાતે ખાનગી હોસ્પિટલમાં સારવાર અર્થે ખસેડાયા હતા.

વધુ વાંચોઃ 'બધા દારૂ પીને મર્યા, પોલીસ ધ્યાન જ નથી આપતી', લીહોડા ગામના સરપંચનો આક્ષેપ, SPએ કહ્યું 'PIની ભૂલ હશે તો પગલાં લેવાશે'

પોલીસ તેમજ ફાયર બ્રિગેડની ટીમે તાત્કાલિક ઘટનાં સ્થળે પહોંચી
કચ્છના અંજારના બૂઢારમોરામાં આવેલ KEMO Steel કંપનીમાં દુર્ઘટના સામે આવી છે. વિગતો મુજબ સ્ટીલ પિગળાવતી વખતે ભઠ્ઠી ઉભરાઈ જતા દુર્ઘટના સામે આવી હતી. જેમાં ગરમ સ્ટીલ બહાર આવી જતાં મજૂરોનાં ગંભીર રીતે દાઝી ગયા હતા. આ તરફ ચારની હાલત અત્યંત નાજુક હોવાના કારણે અમદાવાદ ખાનગી હોસ્પિટલમાં રિફર કરાયા છે. પ્રાથમિક વિગતો મુજબ અન્ય છ લોકોને સ્થાનિક ખાનગી હોસ્પિટલ ખસેડવામાં આવ્યાં છે. ઘટનાને લઈ પોલીસની ટીમ અને ફાયર બ્રિગેડ ટીમ તાત્કાલિક ઘટનાસ્થળે પહોંચી હતી.