બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / તમારા કામનું / 24 કેરેટ જ શુદ્ધ સોનું છે? તો 22 અને 20 કેરેટમાં શું ભેળવાય છે? જાણો સોનાની શુદ્ધતાનું આખું ગણિત
6 ફોટો ગેલેરી
Last Updated: 04:36 PM, 6 August 2026
FOLLOW ON
શેર કરો
1/6
જ્યારે તમે સોનું ખરીદવા જાઓ છો ત્યારે સૌથી વધુ વાત તેના કેરેટની થાય છે જેમાં સોનું 24 કેરેટ છે કે 22 કેરેટ. એ તો બધાને ખબર છે કે 24 કેરેટનું સોનું સૌથી શુદ્ધ હોય છે, જ્યારે 22, 20 કે 18 કેરેટના સોનામાં બીજી ધાતુઓ ભેળવવામાં આવે છે. પણ ખરેખર 22 કે 18 કેરેટના સોનામાં શું મિક્સ કરવામાં આવે છે? જ્યારે તે સંપૂર્ણપણે શુદ્ધ સોનું નથી તો તેમાં કઈ વસ્તુઓ ઉમેરાય છે? ચાલો સમજીએ.
આ તસવીર શેર કરો
2/6
24 કેરેટનું સોનું સૌથી શુદ્ધ અને સારું ગણાય છે, પણ તે એટલું નરમ હોય છે કે તેમાંથી ઘરેણાં બનાવવા મુશ્કેલ પડે છે. ડિઝાઇન આપવા કે તેમાં નગીના-હીરા ફિટ કરવા માટે તેમાં બીજી ધાતુઓ ભેળવવી પડે છે. આથી સોનું મજબૂત બને છે અને નગીના કે હીરા સારી રીતે પકડાય છે. 24 કેરેટ ગોલ્ડની શુદ્ધતા 99.9% હોય છે અને તેમાં બીજી ધાતુ લગભગ હોતી નથી. તેનો ઉપયોગ મુખ્યત્વે સિક્કા, ગોલ્ડ બાર અને રોકાણ માટે થાય છે.
આ તસવીર શેર કરો
3/6
22 કે 18 કેરેટના સોનામાં કંઈ પણ ભેળવી દેવામાં આવતું નથી. સોનાને નબળું પાડવા માટે લોખંડ જેવી વસ્તુઓ નથી ઉમેરાતી. 22 કેરેટનો અર્થ એ છે કે 24માંથી 22 ભાગ સોનું અને 2 ભાગ બીજી ધાતુઓ. એટલે તેમાં લગભગ 91.6% અસલી સોનું અને 8.4% અન્ય મટિરિયલ હોય છે. આ અન્ય ધાતુઓમાં સામાન્ય રીતે ચાંદી, તાંબુ, ઝિંક અને ક્યારેક નિકલ કે પેલેડિયમ ઉમેરાય છે. કઈ ધાતુ કેટલી માત્રામાં મિક્સ કરવી તે જ્વેલર અને ડિઝાઇન પર આધાર રાખે છે.
આ તસવીર શેર કરો
4/6
એ જ રીતે 20 કેરેટના સોનામાં 83.3% અસલી સોનું અને 16.7% બીજી ધાતુઓ હોય છે. અહીં પણ ચાંદી, તાંબુ અને ઝિંક જેવી ધાતુઓ વપરાય છે. ધાતુઓની માત્રા વધતાં ઘરેણું વધુ મજબૂત બને છે. 18 કેરેટ ગોલ્ડમાં 75% અસલી સોનું અને 25% અન્ય ધાતુઓ હોય છે.
આ તસવીર શેર કરો
5/6
હીરા અને સ્ટોનવાળા ઘરેણાંમાં 18 કેરેટ ખાસ પ્રચલિત છે કારણ કે તે વધુ મજબૂત હોય છે. સોનામાં મિક્સ કરવાનો હેતુ માત્ર મજબૂતી જ નહીં પણ કલર પણ છે. હળવો લાલ રંગ લાવવા માટે તાંબુ અને હળવો પીળો કે સફેદ ટોન માટે ચાંદી વપરાય છે.
આ તસવીર શેર કરો
6/6
ભારતમાં બ્યુરો ઑફ ઇન્ડિયન સ્ટાન્ડર્ડ્સ (BIS) હોલમાર્કિંગ દ્વારા સોનાની શુદ્ધતા નક્કી કરે છે – જેમ કે 22Kમાં 91.6%, 18Kમાં 75% અને 14Kમાં 58.5% સોનું હોવું જોઈએ. પણ બાકીના 8.4%, 25% કે 41.5%માં કઈ ધાતુઓ કયા પ્રમાણમાં હોય તે BIS નિર્ધારિત કરતું નથી. તે ઉત્પાદકની ટેકનિક અને ડિઝાઇન પર આધાર રાખે છે, બસ ઘરેણું નિર્ધારિત કેરેટની શુદ્ધતા પૂરી કરે તે જરૂરી છે. 22 કેરેટના દરેક આઇટમમાં 91.6% સોનું અવશ્ય હોય છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
