મદદ / માણસાઈને કોઈ સરહદ નડતી નથી! ભારતીય ડોક્ટરે 13 વર્ષની પાકિસ્તાની દીકરીને આપ્યું નવજીવન

• 13 વર્ષની છે અફશીન ગુલ 
• 90 ડિગ્રી સુધી વાંકી હતી ડોક 
• દિલ્હીના ડોક્ટરે આપ્યુ નવજીવન 

પાકિસ્તાનના સિંધની 13 વર્ષની અફશીન ગુલને દિલ્હીની એપોલો હોસ્પિટલના ડૉ. રાજગોપાલન કૃષ્ણન દ્વારા નવું જીવન આપવામાં આવ્યું છે. એક અકસ્માતમાં ગુલની ગરદન 90 ડિગ્રી પર વાંકી ગઈ હતી. જે પછી તે ક્યારેય શાળાએ જઈ શકી ન હતી અને ન તો તે તેના મિત્રો સાથે રમી શકતી હતી. આવી સ્થિતિમાં આશાનું કિરણ બનીને આવેલા સરહદ પારના ડોક્ટર રાજગોપાલન ક્રિષ્નને એક નિર્દોષના જીવનનો અંધકાર દૂર કર્યો છે. 

થયા ચાર મોટા ઓપરેશન
ચાર મોટા ઓપરેશન બાદ અફશીનની ડોક ઠીક થઈ શકી. હવે માસૂમના ચહેરા પર સ્મિત પાછું આવી ગયું છે અને તે વાત કરવા પણ સક્ષમ છે. ડોક્ટર રાજગોપાલન કૃષ્ણન વીડિયો કોલિંગ દ્વારા દર અઠવાડિયે બાળકીની તપાસ કરી રહ્યા છે.

90 ડિગ્રી વળેલી હતી ડોક
મીડિયા રિપોર્ટ્સ અનુસાર, સિંધ પ્રદેશની રહેવાસી અફશીન ગુલની ડોક 10 મહિના પહેલા 90 ડિગ્રી પર નમેલી હતી. તે તેની બહેનના ખોળામાંથી લપસી ગઈ હતી. માસૂમના માતા-પિતા તેને ડૉક્ટર પાસે લઈ ગયા, પરંતુ સ્થિતિમાં સુધારો થયો નહીં. 

બાળકીની પીડા વધતી જતી હતી. આર્થિક રીતે નબળા માતા-પિતા માસૂમની સારવાર પાછળ પૈસા ખર્ચી શકતા ન હતા. આ દરમિયાન ગુલ સેરેબ્રલ પાલ્સીથી પીડાઈ હતી. નિર્દોષ ગુલ બે સમસ્યાઓથી ઝઝૂમી રહી હતી. 12 વર્ષ સુધી ગુલ આ પીડા સહન કરતી રહી. 

કહ્યું- 'ડોક્ટર અમારા માટે ભગવાન'
ગુલના ભાઈ યાકુબ કુમ્બરે જણાવ્યું કે ગયા વર્ષે માર્ચમાં તે તેની બહેનની સારવાર માટે ભારત આવ્યો હતો. આ દરમિયાન બ્રિટિશ પત્રકાર એલેક્ઝાન્ડ્રિયા થોમસે બહેન અફશીન વિશે એક સ્ટોરી કરી હતી. આ પછી એક દયાળુ ડૉ. રાજગોપાલન કૃષ્ણનનો સંપર્ક કરવામાં આવ્યો હતો. તેણે બહેનની મફતમાં સારવાર કરવાની ઓફર કરી. અમે ખૂબ જ ખુશ છીએ. ડોક્ટરે મારી બહેનનો જીવ બચાવ્યો. અમારા માટે તે ભગવાનથી કમ નથી.

4 મોટા ઓપરેશન બાદ મળ્યું નવજીવન 
ત્યાં જ ડૉક્ટરનું કહેવું છે કે વિશ્વમાં કદાચ આ પ્રકારનો આ પ્રથમ કેસ છે. પીડિત ગુલની સારવારનો ખર્ચ ઉપાડવામાં ઓનલાઈન ફંડ રેઈઝરે મદદ કરી છે. ગુલની ડોકને ઠીક કરવા માટે ચાર મોટા ઓપરેશન કરવામાં આવ્યા હતા. 

મેઈન સર્જરી ફેબ્રુઆરીમાં કરવામાં આવી હતી જે છ કલાકમાં પૂર્ણ થઈ હતી. ત્યાં જ ગુલના ભાઈનું કહેવું છે કે ડૉક્ટર કૃષ્ણને અમને કહ્યું કે ઓપરેશન દરમિયાન બહેનનું હૃદય અથવા ફેફસાં કામ કરવાનું બંધ કરી શકે છે. ત્યારે અમે ખૂબ જ નર્વસ હતા, પરંતુ તેમના પ્રયત્નો અને સુપર વિઝનના કારણે ઓપરેશન સફળ થયું.