ક્રાઈમ / મધ્યપ્રદેશની ચકચારી ઘટના, માગ પૂરી ન થતા યુવાને ઘરમાં ઘુસીને ચાકૂથી યુવતીનું ગળું કાપી નાખ્યું

• મધ્યપ્રદેશના ખંડવાની ચકચારી ઘટના
• યુવતીએ લગ્નની ના પાડતા યુવાન વિફર્યો 
• ઘરમાં ઘુસીને ચાકૂથી યુવતીનું ગળું કાપી નાખ્યું 
• ગંભીર હાલતમાં યુવતી હોસ્પિટલમાં ભરતી 

ઝારખંડના દુમકામાં યુવાન દ્વારા યુવતીને પેટ્રોલ છાંટીને સળગાવી દેવાનો મામલો તાજો જ છે ત્યારે હવે મધ્યપ્રદેશના ખંડવા શહેરમાં પણ આવી જ એક ઘટના બની છે. અહીં લગ્નના ઈન્કાર પર યુવાન હિંસક બન્યો હતો અને તેણે ઘરમાં ઘુસીને ચાકૂ વડે યુવતીનું ગળું કાપી નાખ્યું હતું. ગંભીર હાલતમાં યુવતી હાલમાં હોસ્પિટલમાં જિંદગીનો જંગ લડી રહી છે તેની સ્થિતિ ખૂબ ખરાબ છે. 

MP | A man slit the throat of a woman in Bangarda village under Mundi PS limits after she turned down his proposal

The girl's operation has been done but her condition is still critical. Accused has not yet been caught but our team is on it: Vivek Singh, SP Civil Lines, Khandwa pic.twitter.com/ghHttOMt5g

— ANI MP/CG/Rajasthan (@ANI_MP_CG_RJ) August 30, 2022

8 વર્ષની યુવતીના એકતરફી પ્રેમમાં હતો

 ખંડવાના મુંડીમાં રહેતો બબલુ 8 વર્ષથી યુવતીના એકતરફી પ્રેમમાં હતો અને તે યુવતીને લગ્ન કરવાનું દબાણ કર્યા કરતો હતો. દર વખતે યુવતી લગ્નની ના પાડતી હતી. સોમવારે બપોરે યુવતી એકલી ઘેર છે તેવી ખબર પડતા યુવાન  દીવાલ કૂદીને અંદર પ્રવેશ્યો હતો અને ફરી એક વાર યુવતીને લગ્નનું દબાણ કર્યું હતું. આ વખતે પણ યુવતીએ યુવાનના લગ્નનો પ્રસ્તાવ ઠુકરાવી દીધો હતો આથી ઉશ્કેરાયેલા યુવાને ચાકૂથી યુવતીનું ગળું કાપીને ભાગી ગયો હતો. યુવતી લોહિલૂહાણ હાલતમાં નીચે પડી ગઈ હતી. ઘરના સભ્યોને જાણ થતા તેને તાત્કાલિક નજીકની હોસ્પિટલ લઈ જવાઈ હતી જ્યાં તેની સ્થિતિ ગંભીર હોવાનું જણાવાઈ રહ્યું છે. 

Madhya Pradesh | The girl & the boy are both from the same community. The boy pressurized the girl to marry him & conducted a lethal attack on her after she said no: Vivek Singh, SP Civil Lines, Khandwa

— ANI MP/CG/Rajasthan (@ANI_MP_CG_RJ) August 30, 2022

યુવાનને લાગી હતી નશાની આદત
યુવતીના પિતાનો આરોપ છે કે યુવાન છેલ્લા ઘણા સમયથી તેમની પુત્રીને હેરાન કરતો હતો અને અવારનવાર લગ્ન કરવાની નહીંતર ગંભીર પરિણામ ભોગવવાની ધમકી આપ્યા કરતો હતો. યુવાન નશો પણ કરતો હોવાનો તેમનો આરોપ છે. પોલીસે કેસ દાખલ કરીને આરોપી યુવાનની ધરપકડ કરી છે.