ટેક્નોલોજીની દિગ્ગજ કંપની એપલ પોતાના નવા ફિચર્સ માટે જાણીતી છે. ગયા વર્ષે જ કંપનીએ આઇફોન એક્સમાં નોચ સાથે ડિસ્પ્લે આપી અને ત્યારબાદ સ્માર્ટફોનમાં નોચ એક ટ્રેડ જ બની ગયુ.
આજે મોટાભાગના એન્ડ્રોઇડ સ્માર્ટફોન ઉત્પાદક કંપનીઓ પોતાના ફોનમાં નોચ વાળી(ડિસ્પ્લેની સૌથી ઉપરની ખાલી જગ્યા) ડિસ્પ્લે જ આપી રહી છે.
જ્યારે હવે એપલ એક વધુ નવી તકનીક લઇને આવ્યું છે જેની મદદથી તમે તમારા લેપટોપથી અને બીજા ફોન દ્વારા કોઇ પણ પ્રકારના તાર વગર એટલે કે ચાર્જર વગર તમારા ફોનની બેટરી ચાર્જ કરી શકો છો.
એપલની આ નવી તકનીકથી સપષ્ટ દેખાઇ રહ્યુ છે કે હવેથી આવનાર આઈફોનને કોઈ પણ વાયર એટલે કે ચાર્જર વગર બીજા આઇફોન અથવા મૈકબુક દ્વારા ચાર્જ કરી શકાશે. મહત્વની વાત છે કે એક સમયે કોઈ એક નહીં પરંતુ ઘણા બધા ઉપકરણોને ચાર્જ કરી શકાશે.
