કોલ્ડવેવ / ગુજરાતમાં વધ્યો ઠંડીનો ચમકારો, એકસાથે 12 શહેરોમાં તાપમાન 15 ડિગ્રીથી નીચે

ગુજરાતમાં શિયાળાની ઠંડી ફરી સક્રિય બની છે અને તાપમાનમાં નોંધપાત્ર ઘટાડો જોવા મળી રહ્યો છે. રાજ્યના અનેક શહેરોમાં મંગળવારની સવાર ઠંડી પવન સાથે ધુમ્મસ ભરેલી રહી હતી.

12 શહેરોમાં તાપમાન 15 ડિગ્રી સેલ્સિયસથી નીચે નોંધાયું

હવામાન વિભાગના જણાવ્યા મુજબ રાજ્યના કુલ 12 શહેરોમાં તાપમાન 15 ડિગ્રી સેલ્સિયસથી નીચે નોંધાયું છે. કચ્છ જિલ્લામાં નલિયાએ સૌથી ઓછું 10 ડિગ્રી તાપમાન સાથે ટોચ નોંધાવી છે. જ્યારે અમદાવાદ અને ગાંધીનગરમાં 14 ડિગ્રી તાપમાન જોવા મળ્યું. ઉત્તર ગુજરાતના ડીસામાં 13.8 ડિગ્રી અને મધ્ય ગુજરાતના વડોદરામાં 12.6 ડિગ્રી તાપમાન નોંધાયું.

સૌરાષ્ટ્રમાં પણ ઠંડીમાં વધારો નોંધાયો

સૌરાષ્ટ્રમાં પણ ઠંડીમાં વધારો નોંધાયો છે. ભૂજમાં 14.2 ડિગ્રી, અમરેલીમાં 13.9 ડિગ્રી, રાજકોટમાં 13.8 ડિગ્રી અને જુનાગઢ જિલ્લાના કેશોદમાં 13 ડિગ્રી તાપમાન નોંધાયું.

આ પણ વાંચોઃ સુરતના ધામખડીમાં શાળાએ જતી વિદ્યાર્થીનીને બેફામ ટ્રકચાલકે કચડી મારી, ઘટનાસ્થળે જ મોત

હવામાન વિભાગનો અંદાજ છે કે આગામી બે થી ત્રણ દિવસ સુધી રાજ્યમાં ઠંડી યથાવત્‌ રહેશે અને ઉત્તરથી આવતા પવનના વેગને કારણે રાત્રીના તાપમાનમાં વધુ ઘટાડો થઈ શકે છે. લોકોને વહેલી સવાર અને રાત્રિના સમયમાં ખાસ સાવચેતી રાખવાની સલાહ આપવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ