કામની વાત / ના હોય, આગામી સપ્તાહ 6 દિવસ બેંકો બંધ રહેશે? રજાઓનું લિસ્ટ જાહેર

આગામી અઠવાડિયે બેંકોમાં કામકાજ પર અસર પડી શકે છે. જેમાં 21થી 27 સપ્ટેમ્બર 2026 વચ્ચે દેશના અલગ-અલગ વિસ્તારોમાં કુલ 6 દિવસ બેંકો બંધ રહેશે. આ રજાઓ સ્થાનિક તહેવારો અને વીકેન્ડને કારણે છે. તેથી બધી જગ્યાએ એકસાથે બંધ નહીં રહે. જેથી બ્રાન્ચમાં જતા પહેલાં RBIની હોલિડે લિસ્ટ ચેક કરી લેવું જરૂરી છે.

આ રહ્યું શીડ્યુલ

1. 21 સપ્ટેમ્બર (સોમવાર): ગુવાહાટી, કોચી અને તિરુવનંતપુરમમાં શ્રીમંત શંકરદેવ જયંતી અને શ્રી નારાયણ ગુરુ સમાધિ દિવસને કારણે બેંકો બંધ રહેશે.
2. 22 સપ્ટેમ્બર (મંગળવાર): કર્મા પૂજાના પ્રસંગે રાંચીમાં બેંકોની રજા રહેશે.
3. 23 સપ્ટેમ્બર (બુધવાર): મહારાજા હરિ સિંહ જયંતીને લીધે જમ્મુ અને શ્રીનગરમાં બેંકો બંધ રહેશે.
4. 25 સપ્ટેમ્બર (શુક્રવાર): ઇન્દ્રજાત્રા તહેવારને કારણે ગંગટોક (સિક્કિમ)માં બેંક બ્રાન્ચ બંધ રહેશે.
5. 26 સપ્ટેમ્બર (શનિવાર): મહિનાનો ચોથો શનિવાર હોવાથી સમગ્ર ભારતમાં તમામ બેંકો બંધ રહેશે.
6. 27 સપ્ટેમ્બર (રવિવાર): વીકલી હોલીડેને કારણે દેશભરની બેંકોમાં રજા રહેશે.

વધુ વાંચો : રેલવેમાં ફરી મોટા પાયે ભરતી પડી, 10 પાસ-ITI ઉમેદવારો તૈયાર થઇ જાઓ

બેંક બ્રાન્ચ બંધ હોય તો પણ કસ્ટમરે ચિંતા કરવાની જરૂર નથી. આ દરમિયાન તમામ ડિજિટલ અને ઓનલાઇન બેંકિંગ સર્વિસ 24 કલાક ચાલુ રહેશે. જેમાં ATMમાંથી પૈસા કાઢી શકાશે, બેલેન્સ ચેક કરી શકાશે અને મોબાઇલ બેંકિંગ એપ્લિકેશન્સ કામ કરતી રહેશે. આ સિવાય Google Pay, PhonePe કે Paytm જેવી સર્વિસ દ્વારા પૈસાનું ટ્રાન્ઝેક્શન, બિલ પેમેન્ટ અને રિચાર્જ સામાન્ય રીતે થઈ શકશે. પરંતુ કેશ ડિપોઝિટ, ચેક ક્લિયરિંગ કે લોકર સંબંધિત કામ માટે બેંક ખુલે ત્યાં સુધી રાહ જોવી પડશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ