બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / આરોગ્ય / સાંજે 7 વાગે ડિનર કરી લેવાથી હેલ્થને શું થાય છે ફાયદો? જાણો એક્સપર્ટ પાસેથી
6 ફોટો ગેલેરી
Last Updated: 06:17 PM, 18 June 2026
FOLLOW ON
શેર કરો
1/6
આજકાલ મોડી રાત્રે રાત્રિભોજન એટલે કે ડિનર કરવું ખૂબ જ સામાન્ય બની ગયું છે. ખાસ કરીને શહેરોમાં, લોકો ઘણીવાર રાત્રે 11 વાગ્યા સુધી મોડા સુધી ભોજન કરે છે. શું તમે જાણો છો કે મોડી રાત્રે ભોજન કરવાથી ડાયાબિટીસ, સ્થૂળતા, હાઈ બ્લડ પ્રેશર અને બ્લડ સુગરનું સ્તર વધવા જેવી સ્વાસ્થ્ય સમસ્યાઓનું જોખમ વધી શકે છે? એક્સપર્ટ સતત સાંજે 7 વાગ્યા સુધીમાં રાત્રિભોજન પૂર્ણ કરવાની સલાહ આપે છે. આવો હેલ્થ એક્સપર્ટ પાસેથી જાણીએ કે, હળવું ડિનર કેમ પસંદ કરવું જોઈએ અને સાંજે 7 વાગ્યા સુધીમાં ભોજન લેવાના સ્વાસ્થ્ય લાભો શું છે.
આ તસવીર શેર કરો
2/6
રાત્રે હળવું ભોજન સ્વાસ્થ્ય માટે અત્યંત ફાયદાકારક છે. રાત્રે શરીર આરામની સ્થિતિમાં આવે છે, અને પાચન પ્રક્રિયા ધીમી પડી જાય છે. મોડી રાત્રે ભારે ભોજન લેવાથી પાચન યોગ્ય રીતે થતું નથી, જેના કારણે ગેસ, પેટમાં દુખાવો અને એસિડિટી જેવી સમસ્યાઓ થઈ શકે છે.
આ તસવીર શેર કરો
3/6
વહેલું ડિનર કરવાથી સારી ઊંઘ આવે છે. સૂવાના સમયના બે થી ત્રણ કલાક પહેલાં ભોજન કરવાથી શરીરને ખોરાક પચાવવાનો સમય મળે છે, જેનાથી આપણે ગાઢ, શાંત ઊંઘનો આનંદ માણી શકીએ છીએ. મોડું ખાવાથી ઊંઘમાં ખલેલ પહોંચી શકે છે અને બીજા દિવસે સવારે થાક લાગી શકે છે.
આ તસવીર શેર કરો
4/6
એક્સપર્ટના મતે, તમે શાકભાજી, સલાડ, ખીચડી અથવા દાળનો સમાવેશ કરીને હળવું ડિનર પસંદ કરી શકો છો. રાત્રે ઓછી કેલરીવાળા ભોજનનું સેવન કરવાની સલાહ આપવામાં આવે છે, કારણ કે વધુ કેલરીવાળા ખોરાકથી વજન વધી શકે છે.
આ તસવીર શેર કરો
5/6
સાંજે 7 વાગ્યે ડિનર કરવાથી પાચનતંત્રને આરામ મળે છે. આ સમયે ખાવાથી તમારા શરીરને ખોરાક પચાવવા માટે પૂરતો સમય મળે છે; તે પાચનતંત્રને ભોજન પ્રક્રિયા કરવા માટે 3 થી 4 કલાકનો સમય મળે છે.
આ તસવીર શેર કરો
6/6
જો તમે રાત્રે 10 થી 11 વાગ્યાની વચ્ચે ડિનર કરો છો અને તરત જ સૂઈ જાઓ છો, તો તમારું શરીર આરામ કરવાને બદલે ખોરાક પચાવવામાં વ્યસ્ત રહે છે. આ તમારી ઊંઘની ક્વોલિટી ખરાબ કરે છે. આ ઉપરાંત પેટમાં ગેસ, એસિડિટી અને અપચો જેવી સમસ્યાઓ થઇ શકે છે. સાંજે શરીરનું મેટાબોલિઝમ ધીમું પડી જાય છે, જેના કારણે ચરબી બળવાને બદલે સંગ્રહિત થાય છે. તેવામાં મોડી રાત્રે ડિનર કરવાથી હાઈ બ્લડ શુગર અને હાઈ બ્લડ પ્રેશર જેવી સમસ્યાઓ થઈ શકે છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
