બિઝનેસ / સોનું-ચાંદી થઈ ગયું સસ્તું, હવે આટલી રહી ગઈ કિંમત, જાણો 22-24 કેરેટનો ભાવ

જ્વેલરી ખરીદવાનું વિચારી રહેલા લોકો માટે આ સારો સમય માનવામાં આવી રહ્યો છે. ઇન્ડિયા બુલિયન એન્ડ જ્વેલર્સ એસોસિએશન (IBJA) દ્વારા જાહેર કરાયેલા તાજા દરો અનુસાર 18 જૂન, 2026ના રોજ 24 કેરેટ સોનાના ભાવમાં નોંધપાત્ર ઘટાડો થયો છે. સાથે જ ચાંદીના ભાવમાં પણ ઘટાડો નોંધાતા બજારમાં ખરીદદારોનો રસ વધ્યો છે.

ભારતીય સરાફા બજારમાં આજે 24 કેરેટ સોનાનો ભાવ પ્રતિ 10 ગ્રામ 1,49,332 રૂપિયા નોંધાયો છે, જે અગાઉના દિવસની સરખામણીએ 816 રૂપિયા ઓછો છે. 23 કેરેટ સોનાનો ભાવ પણ 813 રૂપિયા ઘટીને 1,48,734 રૂપિયા પ્રતિ 10 ગ્રામ થયો છે. તે જ રીતે 22 કેરેટ સોનાનો દર 748 રૂપિયા ઘટીને 1,36,788 રૂપિયા પ્રતિ 10 ગ્રામ રહ્યો છે.

18 કેરેટ સોનાના ભાવમાં પણ ઘટાડો

18 કેરેટ સોનાના ભાવમાં પણ ઘટાડો જોવા મળ્યો છે. આજે તેનો ભાવ પ્રતિ 10 ગ્રામ 1,11,999 રૂપિયા રહ્યો છે, જે અગાઉની સરખામણીએ 612 રૂપિયા ઓછો છે. જ્યારે 14 કેરેટ સોનું 488 રૂપિયા સસ્તુ થઈને 87,359 રૂપિયા પ્રતિ 10 ગ્રામના સ્તરે પહોંચ્યું છે. ચાંદીના ભાવમાં પણ ઘટાડો નોંધાયો છે. 999 શુદ્ધતાવાળી ચાંદીનો ભાવ પ્રતિ કિલોગ્રામ 2,43,700 રૂપિયા રહ્યો છે. અગાઉના દિવસની સરખામણીએ તેમાં પણ ઘટાડો જોવા મળ્યો છે, જેના કારણે ચાંદી ખરીદવા ઈચ્છતા ગ્રાહકોને રાહત મળી છે.

આ પણ વાંચોઃ એર ઇન્ડિયાએ કાઢ્યો સસ્તી ટિકિટનો ફોર્મ્યુલા, પેસેન્જરને મળશે નવો ઓપ્શન

મહત્વની વાત એ છે કે ઇન્ડિયા બુલિયન એન્ડ જ્વેલર્સ એસોસિએશન (IBJA) દ્વારા જાહેર કરાયેલા ભાવ સમગ્ર દેશમાં માન્ય ગણાય છે. જોકે આ દરોમાં GST સામેલ નથી. જ્વેલરી ખરીદતી વખતે ગ્રાહકોને GST ઉપરાંત મેકિંગ ચાર્જ પણ અલગથી ચૂકવવો પડે છે. IBJA દર સોમવારથી શુક્રવાર સુધી સવારે અને સાંજે સોના-ચાંદીના નવા ભાવ જાહેર કરે છે, જ્યારે શનિવાર અને રવિવારે દરો જાહેર કરવામાં આવતા નથી.

જો તમે સોનું અથવા ચાંદી ખરીદવાનું આયોજન કરી રહ્યા છો, તો હાલના ઘટેલા ભાવ તમારા માટે ફાયદાકારક સાબિત થઈ શકે છે. જોકે ખરીદી કરતા પહેલા સ્થાનિક જ્વેલર્સ પાસેથી લેટેસ્ટ ભાવની ખાતરી કરવી જરૂરી છે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ