અયોધ્યા મંદિર / જાણો કોણ છે રામ મંદિરનાં અમદાવાદી આર્કિટેક્ટ, કેમ તેમને મંદિરની જવાબદારી સોંપાઈ

• 7 પેઢીથી આ પરિવાર દેશ-વિદેશમાં મંદિરો બનાવે છે
• ચંદ્રકાન્ત સોમપુરા ગાંધીનગર અક્ષરધામ, પાલનપુર અંબા માતા મંદિરનું નિર્માણ કરી ચુક્યાં છે
• સોમપુરા પરિવાર નાગર શૈલીના મંદિરો બનાવવામાં એક્સપર્ટ છે.

મૂળ પાલનપુરનાં છે ચંદ્રકાન્ત સોમપુરા

76 વર્ષનાં ચંદ્રકાંત સોમપુરા મુળ ગુજરાતનાં પાલીતાણાનાં છે. તેઓ અત્યાર સુધી હિંદુ, જૈન તથા સ્વામી નારાયણ સંપ્રદાયનાં 100થી વધારે મંદિર બનાવી ચુક્યાં છે. જેમાં ગાંધીનગરનું અક્ષરધામ મંદિર, પાલનપુરનાં અંબા માતાનાં મંદિર તથા બિડલા મંદિર જેવા કેટલાક મંદિરોનો સમાવેશ થાય છે.  તેઓ ગુજરાત, રાજસ્થાન અને મહારાષ્ટ્રમાં મંદિરો બનાવ્યાં છે. 

મંદિરનાં આ બેઝિક નિયમો છે

મંદિર બનાવવાનાં બે બેઝિક નિયમો છે. એક ભુગોળ અને બીજુ સંસ્કૃતિ. આ બન્નેનાં સમન્વયથી મંદિરનું નિર્માણ સુંદર રીતે કરી શકાય છે. ભારતમાં બે શૈલીનાં મંદિરો તૈયાર કરવામાં આવે છે. ઉત્તરમાં નાગર શૈલી અને દક્ષિણમાં દ્રવિડ્યન શૈલી. સોમપુરા પરિવાર નાગર શૈલીનાં મંદિરો અને કોમ્યુનિટી હોલ તથા બિલ્ડિંગ બનાવવામાં નિપુર્ણ છે.

7 પેઢીથી આ પરિવાર દેશ-વિદેશમાં મંદિરો બનાવે છે

સોમપુરા પરિવાર 7 પેઢીથી મંદિરોની ડિઝાઈન બનાવી રહ્યાં છે. પદ્મશ્રી પ્રભાશંકર ઓધાભાઈ સોમપુરાનો આ પરિવાર ગુજરાતનાં જાણીતા 12 અને દેશમાં 100થી વધું મંદિર બનાવી ચુક્યાં છે.  આ ઉપરાંત તેઓ સિંગાપુર, યુએસએ જેવા અનેક દેશોમાં પણ મંદિરોનું નિર્માણ કરી ચુક્યાં છે. દિલ્હી, મુંબઈનાં રામ મંદિર, મથુરાનું કૃષ્ણ જન્મસ્થાન, ગોરખપુરનાં રાધાકૃષ્ણ સાધના કેન્દ્ર, નાગદા મધ્ય પ્રદેશનું વિષ્ણુ મંદિર સોમપુરા પરિવારે બનાવ્યું છે.

આ કારણે ચંદ્રકાન્ત સોમપુરાને રામ મંદિરની જવાબદારી સોંપાઈ

સોમપુરા પરિવાર મંદિરો બનાવવામાં મહારથ હાસલ કરી હોવાથી વીએચપી દ્વારા 30 વર્ષ પહેલાં ચંદ્રકાંત સોમપુરાનો સંપર્ક કરવામાં આવ્યો હતો. તેમજ આ મંદિર ભારતનાં ઉત્તરનાં રાજ્યનું છે. ભારતનાં ઉત્તરમાં નાગરશૈલીનાં મંદિરો પ્રચલિત છે. ત્યારે નાગર શૈલીમાં સ્પેશિયાલીટી ધરાવતાં સોમપુરા પરિવારને કોઈ કેવી રીતે ભુલી શકે. એ જ કારણથી ચંદ્રકાન્ત સોમપુરાને અયોધ્યા મંદિર બનાવવાની જવાબદારી સોંપવામાં આવી છે.

નાગર શૈલીનાં મંદિરોનો શ્રેય સોમપુરા પરિવારને 

સોમપુર પરિવારનાં મોભી તથા ચંદ્રકાંત સોમપુરાનાં પિતા પદ્મશ્રી પ્રભાશંકર ઓધાભાઈએ સોમનાથ મંદિરની ડિઝાઈન તૈયાર કરી હતી. તેમણે આ મંદિરનું નિર્માણ દોઢ કરોડમાં કર્યું હતું.  હેરિટેજ નાગર શૈલી પ્રભાશંકરની સુંદર ભેટ છે.