ન્યૂઝ અપડેટ્સ
ન્યૂઝ અપડેટ્સ
VTV / લાઈફસ્ટાઈલ / તમારા કામનું / કયા રંગની કાર કબૂતરોને વધુ આકર્ષે છે અને તેના પર બીટ કરવાની શક્યતા પણ વધુ, સર્વેમાં ચોંકાવનારો ખુલાસો
7 ફોટો ગેલેરી
Last Updated: 12:56 PM, 9 September 2026
FOLLOW ON
શેર કરો
1/7
ઘણા લોકો કારને ઝાડ નીચે, વીજળીના તાર નીચે કે પક્ષીઓ બેસતા હોય તેવી જગ્યાએ પાર્ક કરે છે. તેથી કાર પર પક્ષીઓની બીટ પડવી સ્વાભાવિક લાગે છે. પરંતુ કેટલીક રિસર્ચમાં કારના રંગ અને પક્ષીઓની બીટ વચ્ચે પણ સંબંધ જોવા મળ્યો છે. જોકે અલગ-અલગ સર્વેમાં અલગ પરિણામ સામે આવ્યા છે. આવો જાણીએ કયા રંગની કાર પર પક્ષીઓની બીટ વધુ જોવા મળી છે અને તેની પાછળનું કારણ શું હોઈ શકે.
આ તસવીર શેર કરો
2/7
અમેરિકામાં 1,000 કાર ડ્રાઇવર્સને સામેલ કરીને કરવામાં આવેલા એક સર્વેમાં કારના રંગ અને પક્ષીઓની બીટ વચ્ચે સંબંધ હોવાનું સામે આવ્યું હતું. આ સર્વેમાં ભૂરા રંગની કારને પક્ષીઓનું સૌથી વધુ નિશાન બનતી કાર તરીકે જણાવવામાં આવી હતી.ભૂરા રંગ બાદ લાલ રંગની કારનો નંબર આવ્યો હતો. ત્યારબાદ કાળા, નારંગી, વાદળી, સફેદ અને સિલ્વર ગ્રે રંગની કાર પર પણ પક્ષીઓની બીટ જોવા મળી હતી. સર્વેમાં કેટલાક ડ્રાઇવર્સે તો એક જ દિવસમાં પોતાની કાર પર એકથી વધુ વખત પક્ષીઓની બીટ જોવા મળી હોવાનું પણ જણાવ્યું હતું.
આ તસવીર શેર કરો
ADVERTISEMENT
3/7
અમેરિકામાં કરવામાં આવેલા આ સર્વેમાં લગભગ 29 ટકા ડ્રાઇવર્સે એવું માન્યું હતું કે પક્ષીઓ તેમની કારને જાણે ખાસ નિશાન બનાવે છે. કેટલાક લોકોએ કાર સાફ કર્યા બાદ પણ ફરીથી તેના પર બીટ જોવા મળતી હોવાની વાત કહી હતી.આ કારણે ઘણા લોકોને એવું લાગતું હોય છે કે કાર ક્યાં પાર્ક કરવામાં આવે છે તેનાથી જ સમસ્યા થાય છે. પરંતુ સર્વેના પરિણામો મુજબ કારનો રંગ પણ એક સંભવિત કારણ હોઈ શકે છે. જોકે આ દાવાને અંતિમ વૈજ્ઞાનિક સત્ય તરીકે સ્વીકારવામાં આવ્યું નથી.
આ તસવીર શેર કરો
4/7
બધા સર્વેમાં એકસરખા પરિણામો મળ્યા નથી. બ્રિટિશ ઓટોમોટિવ રિટેલર હેલ્ફોર્ડ્સ દ્વારા કરવામાં આવેલા એક સર્વેમાં લાલ રંગની કાર પર પક્ષીઓની બીટ વધુ જોવા મળી હોવાનું જણાવાયું હતું.આ સર્વેમાં લાલ રંગ બાદ વાદળી રંગની કારનો ઉલ્લેખ કરવામાં આવ્યો હતો. ખાસ વાત એ છે કે આ પરિણામ અમેરિકાના સર્વે કરતાં અલગ હતું. અમેરિકાના સર્વેમાં ભૂરા રંગની કાર સૌથી વધુ નિશાન બનતી હોવાનું જણાવાયું હતું.
આ તસવીર શેર કરો
ADVERTISEMENT
5/7
યુનિવર્સિટી ઓફ બ્રિસ્ટલ સાથે જોડાયેલા લગભગ 40 ટ્રેની શિક્ષકોએ 1,760 કારનું સર્વેક્ષણ કર્યું હતું. તેમાં સફેદ રંગની કાર પર સૌથી વધુ પક્ષીઓની બીટના નિશાન જોવા મળ્યા હોવાનું જણાવાયું હતું.આ જ અભ્યાસમાં કાળા રંગની કાર પર પ્રમાણમાં ઓછા નિશાન મળ્યા હતા. એટલે અલગ-અલગ સંશોધન અને સર્વેના પરિણામો એકબીજાથી અલગ જોવા મળે છે. તેથી કોઈ એક રંગની કાર પર જ પક્ષીઓ સૌથી વધુ બીટ કરે છે એવું નિશ્ચિતપણે કહેવું મુશ્કેલ છે.
આ તસવીર શેર કરો
6/7
પક્ષીઓની આંખોની ક્ષમતા મનુષ્ય કરતાં અલગ હોય છે. તેઓ પરાબૈંગની એટલે કે યુવી લાઇટ પણ જોઈ શકે છે. મનુષ્યની સરખામણીમાં તેમની રંગોને જોવાની અને ઓળખવાની ક્ષમતા વધુ વ્યાપક હોવાનું માનવામાં આવે છે.કેટલીક રિસર્ચમાં એવી શક્યતા વ્યક્ત કરવામાં આવી છે કે કારના ચોક્કસ રંગ અથવા તેની સપાટી પરથી દેખાતા પ્રકાશના કારણે પક્ષીઓ તે તરફ વધુ આકર્ષાઈ શકે છે. જોકે કારના રંગને કારણે જ પક્ષીઓ બીટ કરે છે એવું સાબિત કરતું ચોક્કસ વૈજ્ઞાનિક કારણ હજુ સામે આવ્યું નથી.
આ તસવીર શેર કરો
ADVERTISEMENT
7/7
અલગ-અલગ સર્વેમાં અલગ પરિણામો મળ્યા છે. એક અમેરિકન સર્વેમાં ભૂરો રંગ સૌથી આગળ હતો. જ્યારે અન્ય સર્વેમાં લાલ અને સફેદ રંગની કાર પર વધુ બીટના નિશાન જોવા મળ્યા હતા. તેથી એક જ રંગને અંતિમ રીતે સૌથી વધુ અસરગ્રસ્ત ગણવો યોગ્ય નથી.કાર પર પક્ષીઓની બીટ પડવાની પાછળ કારનો રંગ ઉપરાંત આસપાસનું વાતાવરણ, પક્ષીઓની બેસવાની જગ્યા અને પાર્કિંગનું સ્થાન પણ મહત્વનું હોઈ શકે છે. તેથી જો તમારી કાર વારંવાર ગંદી થાય છે તો માત્ર કારના રંગને જ તેનું કારણ માનવાને બદલે કાર ક્યાં પાર્ક થાય છે તેનું પણ ધ્યાન રાખવું જરૂરી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
