નિધન / કેવો દુઃખદ સંયોગ : સિંગર KK ના છેલ્લા શોનો વીડિયો વાયરલ, ગીત હતું... હમ રહે યા ના રહે, યાદ આયેંગે વો પલ

• હમ રહે યા ના રહે, યાદ આયેંગે વો પલ..
• કેકે છેલ્લું આ ગીત ગાયું હતું..
• કેકેને કોલકાતામાં LIVE કોન્સર્ટમાં આવ્યો હાર્ટ એટેક

સિંગિંગ જગતમાંથી દુખદ સમાચાર સામે આવી રહ્યા છે. પ્રખ્યાત ગાયક કેકે ઉર્ફે કૃષ્ણ કુમાર કુન્નાથનું નિધન થયું છે. તેઓ કોલકાતામાં એક કોન્સર્ટ કરવા ગયા હતા.પરંતુ કોન્સર્ટમાં અચાનક તેમની તબિયત લથડી અને તેઓ ઢળી પડ્યા. તેમને તાત્કાલિક નજીકની હોસ્પિટલમાં લઈ જવામાં આવ્યા હતા. પરંતુ તબીબોએ મૃત જાહેર કર્યાં હતા.KKનું નિધનના સમાચારથી હાલ દેશભરમાં તેમના ચાહકોમાં શોકની લાગણી છવાઈ છે.

હમ રહે યા ના રહે, યાદ આયેંગે વો પલ..ગીત ગાયું હતું
પરંતુ દુઃખદ સંયોગ એવો છે કે તેઓ પોતાનું સૌથી વધુ લોકપ્રિય ગીત હમ રહે યા ના રહે, યાદ આયેંગે વો પલ.. છેલ્લા શો દરમિયાન આ ગીત ગાયું હતું. તે બાદ તેઓ સ્ટેજ પર નીચે ઢળી પડ્યા હતા.સિંગર KK ના છેલ્લા શોનો વીડિયો હાલ સોશિયલ મીડિયામાં ખૂબ વાયરલ થઈ રહ્યો છે.

કેકેના આ ગીતો ખુજ લોકપ્રિય હતા
કેકેના ગીતો પૈકી જે તેમના ચાહકોમાં ખૂબ જ પ્રિય હતા, 'યારોં' ખૂબ ચર્ચામાં હતું. આ સિવાય સલમાન ખાન, અજય દેવગન અને ઐશ્વર્યા રાયની ફિલ્મ હમ દિલ દે ચૂકે સનમના ગીત 'ટડપ તડપ કે ઇસ દિલ'એ અનોખી છાપ છોડી હતી. આ સાથે જ ફિલ્મ બચના-એ-હસીનનું 'ખુદા જાને', ફિલ્મ કાઈટ્સનું 'ઝિંદગી દો પલ કી', ફિલ્મ જન્નતનું 'ઝરા સા', ફિલ્મ ગેંગસ્ટરનું 'તુ હી મેરી શબ હૈ', શાહરૂખ ખાનની ફિલ્મનું ઓમ શાંતિ ઓમ.આ ઉપરાંત ફિલ્મ 'આંખો મેં તેરી અજબ સી', બજરંગી ભાઈજાનનું 'તુ જો મિલા', ફિલ્મ ઈકબાલનું 'આશાયિન' અને ફિલ્મ અજબ પ્રેમ કીનું 'મૈં તેરા ધડકન તેરી' ગીત. ગઝબ કહાની તેના ચાહકોમાં સૌથી વધુ લોકપ્રિય હતી.

કૃષ્ણ કુમાર કુન્નથ ઉર્ફે KK કોણ છે?
કૃષ્ણકુમાર કુન્નાથ (23 ઓગસ્ટ 1968 – 31 મે 2022) કેકે તરીકે જાણીતા હતા એક ભારતીય પ્લેબેક સિંગર હતા. તેમણે હિન્દી, તમિલ, તેલુગુ, કન્નડ, મલયાલમ, મરાઠી, બંગાળી, આસામી અને ગુજરાતી ભાષાઓની ફિલ્મોમાં ગીતો રેકોર્ડ કર્યા છે. તેઓ તેમની પેઢીના સૌથી બહુમુખી ગાયકોમાંના એક તરીકે ગણવામાં આવે છે. 31મી મે 2022ની રાત્રે કૉલેજ ફેસ્ટમાં પર્ફોર્મ કરતી વખતે કોલકાતાના નઝરુલ મંચ ખાતે કાર્ડિયાક અરેસ્ટથી તેમનું અવસાન થયું છે.

કેવો દુઃખદ સંયોગ : સિંગર KK ના છેલ્લા શોનો વીડિયો વાયરલ, ગીત હતું... હમ રહે યા ના રહે, યાદ આયેંગે વો પલ

કોલકાતામાં કોન્સર્ટ બાદ ગાયક કેકેનું નિધન થયું હતું. છેલ્લી ઇવેન્ટનો એક વીડિયો વાયરલ થયો છે.

Video source: Najrul Manch FB page pic.twitter.com/VmEAdTd3C6

— VTV Gujarati News and Beyond (@VtvGujarati) May 31, 2022