ક્રિકેટ / VIDEO : વર્ષો બાદ મેદાન પર ઉતરેલા સેહવાગના તેવર એના એ જ, ધમાકેદાર ઇનિંગમાં ઠોક્યાં 80 રન

• સેહવાગે 35 બોલમાં 80 રન બનાવ્યા 
• બાંગ્લાદેશ લેજેન્ડ્સને 10 વિકેટથી હરાવવામાં મદદ મળી 
• વિરેન્દ્ર સેહવાગ અને સચિન તેન્ડુલકરની જોડી શુક્રવારે જ્યારે રાયપુર સ્ટેડિયમમાં ઉતરી

110 રનનાં લક્ષ્યને 11મી ઓવરમાંજ  હાંસલ કરી લીધો 

ઈન્ડિયા લેજન્ડ્સે 110 રનનાં લક્ષ્યને 11મી ઓવરમાંજ હાંસલ કરી લીધો હતો. સેહવાગની સાથે ઈનિંગની શરુઆત કરનાર સચિન તેન્ડુલકરે 26 બોલમાં 33 રન બનાવ્યા. જ્યારે સેહવાગની વાત કરીએ તો તેણે ફક્ત 20 બોલમાં અર્ધશતક ફટકારી દીધો હતો.

પહેલીજ ઓવરમાં 19 રન બનાવી લીધા 

સેહવાગે છક્કાની સાથે તેનું અર્ધશતક પૂરું કર્યું હતું અને બાઉન્ડ્રીની સાથે તેણે ઈનિંગની શરુઆત કરી હતી. સેહવાગે પહેલીજ ઓવરમાં 19 રન બનાવી લીધા હતા. ત્યારબાદ તેણે 8 ચોક્કા અને 3 સિક્સર ફટકારીને હાફ સેન્ચ્યુરી બનાવી લીધી હતી. આંતરરાષ્ટ્રીય ક્રિકેટની સૌથી સફળ ઓપનિંગ જોડીમાંથી એક વિરેન્દ્ર સેહવાગ અને સચિન તેન્ડુલકરની જોડી શુક્રવારે જ્યારે રાયપુર સ્ટેડિયમમાં ઉતરી ત્યારે દર્શકો તેમને જોઈને ઝુમી ઉઠ્યા હતા.

પાવરપ્લેમાં 74 રને પહોંચાડી દીધો

બંને બેટ્સમેનોએ ભારતનો સ્કોર પાવરપ્લેમાં 74 રને પહોંચાડી દીધો હતો અને બંનેએ 9 ઓવરમાં ભારતનો સ્કોર 100ની પાર પહોંચાડી દીધો હતો અને અંતમાં સેહવાગે 11મી ઓવરમાં સિક્સર ફટકારીને ભારતને બાંગ્લાદેશ લેજન્ડ્સ સામે 10 વિકેટ્સથી જીતાડવામાં મદદ કરી હતી.