મનોરંજન / ફેસબુક પર ફક્ત 1 વ્યક્તિને જ ફોલો કરે છે અમિતાભ બચ્ચન, કોઈ સગા-સંબંધી નહીં અને સેલેબ્સ પણ નહીં... તો જાણો કોણ છે આ ખાસ વ્યક્તિ?

બોલિવુડના દિગ્ગજ અભિનેતા અમિતાભ બચ્ચનની દુનિયાભરમાં ગજબની ફેન ફોલોઈંગ છે. તે પોતાના દમદાર અભિનયથી સતત લોકોના દિલોમાં રાજ કરી રહ્યા છે. છેલ્લા 5 દાયકાથી અમિતાભ સતત ફિલ્મોમાં કમ કરતા જોવા મળી રહ્યા છે અને આજે પણ લોકો તેમની ફિલ્મોની આતુરતાથી રાહ જોતા હોય છે. 

ફિલ્મોની સાથે સાથે અમિતાભ બચ્ચન સોશિયલ મીડિયા પર પણ ખૂબ જ એક્ટિવ રહે છે. તે આ પ્લેટફોર્મ દ્વારા પોતાના ફેંસની સાથે હંમેશા જોડાયેલા રહે છે અને પોતાની અપડેટ પણ લોકોને આપતા રહે છે. ફેસબુકથી લઈને ઈન્સ્ટાગ્રામ સુધી અમિતાભને કરોડો લોકો ફોલો પણ કરે છે. 

1 જ વ્યક્તિને ફોલો કરે છે અમિતાભ
પરંતુ શું તમે જાણો છો કે ફેસબુર પર અમિતાભ ફક્ત 1 વ્યક્તિને જ ફોલો કરે છે અને તે કોઈ સેલેબ્સ કે મોટી હસ્તી નથી. અમિતાભ ફેસબુક પર જેને ફોલો કરે છે તેનું નામ અવની રાઠી છે જે જોઈ નથી શકતી અને અમિતાભની સાથે તેની મુલાકાત રિયાલિટી ક્વીઝ શૉ કોન બનેલા કરોડપતિની 14મી સીઝનના સેટ પર થઈ હતી. 

વધુ વાંચો: 'તમામને અભિવ્યક્તિનો અધિકાર, પરંતુ...', ખેડૂત આંદોલન પર અનુપમ ખેરની પ્રથમ પ્રતિક્રિયા, જુઓ શું કહ્યું

કોન બનેગા કરોડપતિ 14ની કંટેસ્ટન્ટ રહી ચુકેલી અવની રાઠી એક લેખક, ગીતકાર અને સંગીતકાર છે. જો તમે તેમના ફેસબુક એકાઉન્ટમાં જશો તો તમને તેના ઘણા વીડિયો જોવા મળી જશે. વર્ષ 2022માં અમિતાભે પોતાના બ્લોગ પર અવનીનો ઉલ્લેખ કર્યો હતો. તેમણે પોતાના બ્લોગમાં લખ્યું હતું કે અવનિને તેમણે હાથથી સ્પર્શ કર્યું તેમનો હાથ પકડ્યો જેથી તેમને અનુભવ થાય કે અમિતાભ તેમની પાસે છે. અવનિએ સુપરસ્ટારને જણાવ્યું કે તેને અમિતાભની ફિલ્મો વિશે ખબર છે.