વીડિયો / મેટ્રોમાં યુવક-યુવતીના ઝઘડાનો વીડિયો વાયરલ, યુઝર્સે કહ્યું ઓહ.. આ તો ભાઇ-બહેનની જેમ ઝઘડી રહ્યા છે

છેલ્લા ઘણા સમયથી ડીએમઆરસીની સતત ચેતવણીઓ છતાં પણ દિલ્હી મેટ્રોમાં ડાન્સ, ગાન, લડાઈ અને હંગામો બંધ થઈ રહ્યો નથી. હાલમાં જ આવા ઘણા વીડિયો સામે આવ્યા છે જેમાં કોઈ મેટ્રોમાં અશ્લીલ હરકતો કરતું જોવા મળે છે તો કોઈ રીલ બનાવવા માટે નકામી ગતિવિધિઓ કરતું જોવા મળે છે. પરંતુ હાલ જે ઘટના સામે આવી છે તે વિચિત્ર છે.

છોકરી કહે છે જો હું મમ્મીને બધુ કહુ છું..

આમાં મેટ્રોમાં ઉભેલા યુવકને કોઇ વાતને લઇને મુસાફર યુવતી સાથે બોલાચાલી થાય છે. યુવતી ગુસ્સામાં છે, છોકરાની ઝાટકણી કાઢતા કાઢતા તેને મારે છે. છોકરો કહે છે- હાથ ના ઉપાડ. પછી તે આગળ ચાલી જાય છે ત્યારે છોકરો કહે છે - નીકળી જા અહીંથી.. આથી છોકરી પાછી આવી અને તેને ફરીથી થપ્પડ મારે છે...જવાબમાં છોકરો પણ તેને થપ્પડ મારે છે. પરંતુ આ થપ્પડ ખુબજ રમુજી છે.. કારણ કે છોકરો શરીરથી મજબુત બાંધાનો હોવા છતા થપ્પડ મારતી વખતે પણ ખુબજ હળવેથી થપ્પડ મારે છે...તેની આ થપ્પડમાં પણ ખચકાટ દેખાય છે, ત્યારે છોકરી કહે છે જો હું મમ્મીને કહીશ, તારા જેવો છોકરો કોઈને ન મળવો જોઈએ - મારી જીંદગીમાં બીજી વાર તું મને ન મળતો.,

મેટ્રોમાં બેઠેલા કોઈએ આ વીડિયો બનાવ્યો છે જે સોશિયલ મીડિયા પર વાયરલ થઈ ગયો છે અને ઘણા લોકો કહી રહ્યા છે કે તેઓ ભાઈ-બહેનની જેમ લડી રહ્યા છે. બીજું કોઈ કહે છે કે હવે લિંગ સમાનતાની વાત કેમ નથી થતી કે છોકરી છોકરા પર હાથ ઉપાડે છે. જો કે આ વીડિયો ક્યારનો છે તે કહી શકાય તેમ નથી, પરંતુ આ દિવસોથી વાયરલ થઈ રહ્યો છે.

આ પહેલા પણ દિલ્હી મેટ્રોમાં ઝઘડાના ઘણા વીડિયો સામે આવ્યા છે. સામાન્ય રીતે આ ઝઘડા સીટોને લઈને થાય છે. આ ઉપરાંત મેટ્રો રીલ બનાવવાની પણ ચર્ચા છે. લોકો મેટ્રોની અંદર ડાન્સ કરે છે અને રીલ બનાવે છે. જેના કારણે અન્ય મુસાફરોને વારંવાર મુશ્કેલીનો સામનો કરવો પડે છે.