અમદાવાદ / ઓનલાઇન ફૂડ ઓર્ડર આપનારા સાવધાન! વેજના બદલે નીકળી નોનવેજ સેન્ડવીચ, યુવતીને થયો કડવો અનુભવ

અમદાવાદમાં ઓનલાઇન ફુડ ઓર્ડર આપતા લોકો માટે એક ચેતવણી જનક કિસ્સો સામે આવ્યો છે. કારણ કે, જો તમે વેજ મંગાવશો તો નોનવેજ પણ નીકળી શકે છે.

ઓનલાઇન ફુડ ઓર્ડર આપતા ચેતજો

અમદાવાદની યુવતીને ઓનલાઇન સેન્ડવીચ મંગાવવામાં કડવો અનુભવ થયો છે. ઓનલાઇન પનીર ટીક્કા સેન્ડવીચ મંગાવી હતી જેની સામે રેસ્ટોરન્ટએ નોનવેજ સેન્ડવીચ મોકલી દીધી. યુવતીએ પિક અપ મિલ્સ બાય થેરા નામની રેસ્ટોરન્ટમાંથી સેન્ડવીચ મંગાવી હતી. નોનવેજ ફૂડ આવતા યુવતીએ આરોગ્ય વિભાગને ફરીયાદ કરી કાર્યવાહી કરવા માંગ કરી છે. સાથો સાથ રેસ્ટોરન્ટને 50 હજારનો દંડ ફટકારવા માંગ કરી છે.

વાંચવા જેવું: બનાસકાંઠાથી સંબોધન દરમ્યાન પ્રિયંકા ગાંધીએ ભાજપને લીધી આડે હાથ, જુઓ મહિલાઓને લઇ આ શું કહ્યું?

વેજ સેન્ડવીચની જગ્યાએ નોનવેજ સેન્ડવીચ નીકળી

અમદાવાદના સોલામાં રહેતી યુવતીએ જોમેટોના માધ્યમથી એક રેસ્ટોરન્ટમાંથી રૂપિયા 249ના ભાવની પનીર ટીક્કા સેન્ડવીચ મંગાવી હતી. પરંતુ જે બાદ તેમને જ્યારે ઓર્ડર મળ્યો ત્યારે તે બોક્ષ ખોલતા તેમાંથી નોનવેઝ સેન્ડવીચ મળી હતી. જેને લઈ તેમણે આરોગ્ય વિભાગેને ફરિયાદ કરી છે.