વીડિયો વાયરલ / VIDEO: પંચમહાલમાં સરકારી અનાજનો જથ્થો સગેવગે કરતો વીડિયો વાયરલ, ગરીબોના અનાજના કટ્ટા ટેમ્પોમાં ભર્યા

• પંચમહાલમાં સરકારી અનાજનો જથ્થો સગેવગે કરતો વીડિયો વાયરલ
• સરકારી અનાજના કટ્ટા ટેમ્પોમાં ભરતો વીડિયો આવ્યો સામે
• શહેરાના કોલેજ  રોડ પાસેનો વીડિયો હોવાનું પ્રાથમિક અનુમાન

 સુત્રો દ્વારા મળતી માહિતી મુજબ પંચમહાલમાં સરકારી અનાજનો જથ્થો સગેવગે કરતો વીડિયો વાયરલ થયો છે. સરકારી અનાજનાં કટ્ટા ટેમ્પોમાં ભરતો વીડિયો સામે આવ્યો છે. 

ત્યારે લોકોનું માનવું છે કે આ વીડિયો પંચમહાલનાં શહેરાનાં કોલેજ રોડ પાસેનો હોવાનું લોકોનું પ્રાથમિક અનુમાન છે. સરકારી અનાજ સગેવગે કરતો વીડિયો વાયરલ થતા પુરવઠા વિભાગ દોડતું થઈ જવા પામ્યું હતું. ત્યારે સરકારી અનાજ સગેવગે થતું હોવાનો વીડિયો વાયરલ થતા અનેક સવાલો ઉભા થઈ રહ્યા છે. 

કેટલાક વેપારીઓ દ્વારા ગરીબોનાં અનાજનું કાળાબજારીયા કરવામાં આવે છે

અગાઉ પણ ઘણી વખત ગુજરાતમાંથી ઘણી જગ્યાઓએ સરકારી અનાજનો જથ્થો બારોબાર વેચી મારવામાં આવતો હોવાની અનેક ઘટનાઓ બનવા પામી છે. ત્યારે સરકાર દ્વારા દેશમાં વન રેશન યોજના પણ અમલી બની છે. આ યોજના હેઠળ પર પ્રાંતિય મજૂરો અને શ્રમિક પરિવારોને સસ્તા અનાજની દુકાનમાંથી તેઓને અનાજ આપવામાં આવે છે.  તો કેટલાક વેપારીઓ દ્વારા કાળાબજાર કરતા હોય છે. ત્યારે વહીવટી તંત્ર દ્વારા આવા કાળાબજાર કરતા વેપારીઓ સામે કાયદેસરની કાર્યવાહી હાથ ધરવામાં આવે તેવી લોકો દ્વારા માંગ કરવામાં આવી રહી છે.