દુર્ઘટના / VIDEO : પંજાબમાં ગોઝારો અકસ્માત, ટ્રક સાથે બે કારની ટક્કર, કાટમાળ નીચે દટાતાં 3ના મોત, 3 ઘાયલ

• પંજાબના નવાંશહેરમાં ગોઝારો અકસ્માત
• ચંદીગઢ-ફાગવાડા હાઈવે પર રસ્તા વચ્ચે પલટાઈ ટ્રક
• સામેથી આવી રહેલી કાર નીચે આવી ગઈ, દબાતા 3 લોકોના મોત

પંજાબમાં ચંદીગઢ-ફાગવાડા હાઈવે પર થયેલા રોડ એક્સિડન્ટમાં એક જ પરિવારના 3 સભ્યોના મોત થયા છે અને બીજા એક પરિવારના 3 સભ્યો ઘાયલ થયા છે. હાઈવે પર ભાગ્યે જ આવો અકસ્માત થયો હશે. હાઈવે પર ચાર રસ્તા પર એક મોટી ટ્રક વળાંક લઈ રહી હતી આ દરમિયાન કાબુ ગુમાવતા ટ્રક રસ્તા પર જ પલટી ખાઈ ગઈ હતી અને તેમાં રહેલો સામાન ઢોળાઈ ગયા હતો અને જ્યારે તેનો સામાન રસ્તા પર પડી ગયો બરાબર ધસમસતા પાણીની જેમ સામેથી આવી રહેલી બે કાર તેની સાથે ટકરાઈ ગઈ, એક કાર સામાન નીચે ઘુસી ગઈ હતી જેમાં બેઠેલા એક પતિ-પત્ની અને તેમના પુત્રનું ઘટનાસ્થળે મોત થયું હતું. બીજી કારમાં બેઠેલા 3 સભ્યોને ગંભીર રીતે વાગ્યું છે અને તેમને હોસ્પિટલમા દાખલ કરાવવા પડ્યાં હતા. 

પોલીસે કાટમાળમાંથી 3 લાશ બહાર કાઢી
ઘટનાની ખબર મળતા પંજાબ પોલીસે ત્યાં ધસી ગઈ હતી અને કાટમાળમાં દબાયેલી લાશોને બહાર કાઢી હતી. પોલીસે ટ્રકના ડ્રાઈવરને પકડવાની તજવીજ હાથ ધરી છે. ટ્રકનો ડ્રાઈવર ટ્રક મૂકીને ફરાર થઈ ગયો હતો. 

3 people died in a road accident on Phagwara-Rupnagar highway in #Nawanshahr district of #Punjab, Accident Caught in #CCTV pic.twitter.com/jBo9AV2SkD

— Himanshu dixit 🇮🇳💙 (@HimanshuDixitt) September 13, 2022

વળાંક પર ધ્યાન રાખવાની જરુર
આ ઘટનાનો એક વીડિયો વાયરલ થયો છે જેમાં વળાંક લઈ રહેલી ટ્રક ઉથલી પડતાં તેમાં રહેલો માલસામાન રસ્તા વચ્ચે પડી ગયો અને આ દરમિયાન સામેથી આવી રહેલી બે કાર તેની સાથે ભયાનક રીતે અથડાઈ હતી જેમાંથી એક કારમાં બેઠેલા પત્ની-પતિ અને તેમનો પુત્ર દબાઈ ગયા હતા.