વાયરલ / VIDEO : પાલતુ ડોગનો આતંક, સોસાયટીની લિફ્ટમાં બાળકને બચકાં ભરીને અધમુઓ કર્યો, વીડિયો વાયરલ

• દિલ્હી નજીકના નોઈડામાં વધ્યો પાલતુ ડોગનો આતંક
• પાલતુ ડોગ સોસાયટીની લિફ્ટમાં બાળકને ભર્યાં બચકાં
• બાળકનો માંડ જીવ બચ્યો, ચાર ઈન્જેક્શન લગાડવા પડ્યાં 

નોઈડામા ડોગના આતંકની વધુ એક ઘટના સામે આવી છે. નોઈડા એક્સ્ટેંશનની લા રેસિડેન્ટિયા સોસાયટીમાં એક નિર્દોષ બાળકને પાલતુ કૂતરાએ કરડ્યો હતો. સ્કૂલ જતી વખતે લિફ્ટમાં આ ઘટના બની હતી. જ્યારે આ ઘટના સીસીટીવીમાં કેદ થઈ ત્યારે લોકોએ જોયું કે કેવી રીતે બાળક ડરના માર્યા તેની માતાની પાછળ છુપાવવાનો પ્રયાસ કરી રહ્યો હતો.

Noida Dog Attack: नोएडा में लिफ्ट में सवार बच्चे को फिर पालतू कुत्ते ने काटा@JagranNews #Noida pic.twitter.com/jBDyj17k9F

— Abhishek Tiwari (@abhishe_tiwary) November 16, 2022

પાલતુ ડોગે લિફ્ટમાં મચાવ્યો આતંક, સ્કૂલે જતા બાળકને બચકાં ભર્યાં 
આ ઘટના નોઈડા એક્સ્ટેંશનના લા રેસિડેન્સીના ટાવર 7 ની લિફ્ટમાં બની હતી. પાલતુ કૂતરાએ લિફ્ટમાં બાળકના હાથે ઘણા બચકાં ભરી લીધા હતા. પાલતુ ડોગની પકડમાંથી માંડ માંડ બચેલા છોકરાને ચાર ઈન્જેક્શન લગાડવા પડ્યાં હતા. તે તો સારુ કે બાળક બચી ગયું.  આ ઘટનાને કારણે રહીશોમાં ભારે રોષ અને ભય જોવા મળી રહ્યો છે. સામાન્ય રીતે હવે બાળકો એકલા એપાર્ટમેન્ટના પાર્ક કે એલિવેટરમાં જતા ડરતા હોય છે, પરંતુ આ બાળક તેની માતા સાથે હતું પરંતુ તેમ છતાં પાલતુ શ્વાનના હુમલાથી બચી શક્યું નથી.

દિલ્હી-એનસીઆરમાં વધ્યો ડોગનો આતંક 
સામાન્ય રીતે અગાઉ શેરીના કૂતરાઓ દ્વારા બાળકોને ડરાવવામાં આવતા હતા, પરંતુ હવે પાલતુ કૂતરાઓએ પણ બાળકો પર હુમલો કરવાનું શરૂ કરી દીધું છે. એપાર્ટમેન્ટમાં રહેતા પાલતુ કૂતરાઓ ખાસ કરીને આક્રમક બની રહ્યા છે. દિલ્હી-એનસીઆરમાં સતત આવા કિસ્સાઓ સામે આવી રહ્યા છે, જેમાં પાલતુ શ્વાને માલિકની સામે જ બાળકો અને વડીલો પર હુમલો કર્યો હતો. લિફ્ટમાં પણ આવી ઘણી ઘટનાઓ બની છે.