સૌદર્યતા / VIDEO : ગીરા ધોધનો ધોધનો નયનરમ્ય નજારો, જોઈને તમારું દિલ ગાર્ડન ગાર્ડન થઈ જશે!

ડાંગ જિલ્લામાં ગતરાત્રે વાવાઝોડા સાથે મોસળધાર વરસાદ ખાબક્યો હતો. ભારે વરસાદને પગલે અંબિકા, ખાપરી, પૂર્ણા અને ગિરા નદીઓમાં ઘોડાપુરની સ્થિતિ સર્જાઈ છે. ખાસ કરીને ગિરા નદી ઉપર આવેલું પ્રખ્યાત ગિરા ધોધ હવે રૌદ્ર સ્વરૂપ ધારણ કરી ચૂકી છે. જેના કારણે સ્થાનિકોને સતર્ક રહેવા તંત્રએ સૂચના આપી છે.

ગિરા ધોધ તેની કુદરતી સુંદરતા માટે ઓળખાય

ડાંગ જિલ્લાની ધરતી પર વસેલો ગિરા ધોધ તેની કુદરતી સુંદરતા માટે ઓળખાય છે. પરંતુ સતત વરસાદના કારણે તેનો પ્રવાહ અનેકગણો વધી ગયો છે. હાલ વીકએન્ડ હોઈ અને પ્રવાસી ઋતુ શરૂ થતા અનેક લોકો ધોધના દર્શન માટે આવવા નીકળ્યા છે. જોકે તંત્રએ લોકો ને અપીલ કરી છે કે તે સાવચેતી રાખે અને ધોધ નજીક ન જાય.

નીચાણવાળા વિસ્તારમાં પાણી ઘૂસી જવાની શકયતા

અત્યંત ભારે વરસાદના કારણે નવસારી જિલ્લાના ગણદેવી અને બીલીમોરા વિસ્તારમાં પણ પાણીની સ્થિતિ ગંભીર બની રહી છે. નીચાણવાળા વિસ્તારમાં પાણી ઘૂસી જવાની શકયતા ઊભી થતા સ્થાનિક પ્રશાસને એલર્ટ જાહેર કર્યો છે. લોકો પાસે અનિવાર્ય હૉઈ ત્યારે જ ઘરમાંથી બહાર નીકળવાની સૂચના આપવામાં આવી છે.

આ પણ વાંચોઃ હોર્ડિંગ તૂટ્યા, વૃક્ષ ધરાશાયી, નવરાત્રિ સમયે મિની વાવાઝોડા જેવો માહોલ, ખેલૈયાઓની મજા બગડી

હવામાન વિભાગના અનુમાન મુજબ આગામી 24 કલાકમાં વધુ વરસાદની શક્યતા જણાઈ રહી છે. તંત્ર સતત સ્થિતિ ઉપર નજર રાખી રહી છે અને બચાવ ટીમો તૈનાત કરવામાં આવી છે. પ્રવાસીઓ અને સ્થાનિકોએ સહયોગ આપવા તાકીદ કરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ