VIDEO / આર્મીના ટ્રકમાં લાગી આગ, ગાડીઓ નીકળતી રહી પણ જવાનોની મદદે કોઈ ન આવ્યું, રિટાયર અધિકારીના જવાબે દિલ જીતી લીધા

• સોશિયલ મીડિયા પર યુઝર્સે આર્મીના કાફલાનો વીડિયો પોસ્ટ કર્યો 
• સૈન્યના જવાનો વાહનમાં લાગેલી આગને કાબૂમાં લેવા માટે સંઘર્ષ કરે છે
• નવાઈની વાત એ છે કે આ જવાનોની મદદ કરવા માટે કોઈ આવતું નથી

દેશની સરહદોની સુરક્ષામાં લાગેલા ભારતીય સેનાને દેશવાસીઓ પણ ભરપૂર પ્રેમ અને લાગણી આપતા રહે છે. દેશવાસીઓ સોશિયલ મીડિયાથી લઈને સડકો સુધી સેના પ્રત્યે પોતાનું સન્માન બતાવતા રહે છે. આવી સ્થિતિમાં સોશિયલ મીડિયા પર એક વીડિયો પોસ્ટ કરતી વખતે એક યુઝરે પૂછ્યું કે શું અમે સેનાની મદદ માટે કંઈ કરી શકતા નથી તેના પર રિટાયર્ડ આર્મી ઓફિસરે જે કહ્યું તે તમારું દિલ જીતી લેશે.

આર્મીના કાફલાનો વીડિયો પોસ્ટ કર્યો

વિદિત શર્મા નામના યુઝરે આર્મીના કાફલાનો વીડિયો પોસ્ટ કર્યો હતો.જેમાં આર્મીની ટ્રકમાં આગ લાગી હતી. વીડિયોમાં અનેક વાહનો રોડ પર ફરતા જોવા મળે છે. આ વીડિયોમાં યુઝરે પૂછ્યું, કેમ કોઈ મદદ નથી કરી રહ્યું? આપણા સૈનિકો આપણા દેશ અને તેના લોકોની સુરક્ષા માટે પોતાનો જીવ લગાવે છે, પરંતુ જ્યારે જરૂર હોય ત્યારે તેમની સુરક્ષા કોણ કરે છે? અમારા સૈન્યના જવાનો તેમના વાહનમાં લાગેલી આગને કાબૂમાં લેવા માટે સંઘર્ષ કરી રહ્યા છે તે જોવું નિરાશાજનક છે. એક પણ વ્યક્તિ રોકાયો નહીં.

Why no one is helping 😔
Our soldiers put their lives on the line to protect our nation and its people, but who protects them when they are in need? It's disheartening to see our army men struggling to control the fire on their vehicle .
Not even a single person stopped pic.twitter.com/pe2stGEdkN

— Vidit Sharma 🇮🇳 (@TheViditsharma) May 6, 2023

પૂર્વ આર્મી ઓફિસરનો જવાબ દિલ જીતી લેશે

તેના પર ભૂતપૂર્વ આર્મી ઓફિસર અને ચિનાર કોર્પ્સના ભૂતપૂર્વ કમાન્ડર લેફ્ટનન્ટ જનરલ કેજેએસ ધિલ્લોન (સેવા નિવૃત્ત) એ જે લખ્યું છે તે તમારું દિલ જીતી લેશે. વીડિયોને રિટ્વીટ કરતા જનરલ ધિલ્લોને કહ્યું કે, પ્રિય દેશવાસીઓનો આભાર. પરંતુ, ચિંતા કરશો નહીં, ભારતીય સેના હજી પણ તમારી હંમેશા, દરેક જગ્યાએ, દરેક સમયે રક્ષણ કરશે. જય હિન્દ. લો. જનરલ કેજેએસ ધિલ્લોન સેનાના નિવૃત્ત અધિકારી છે. તેઓ ચિનાર કોર્પ્સના કમાન્ડર રહી ચૂક્યા છે. જનરલ ધિલ્લોનને ખીણમાં ઓપરેશન મા માટે સૌથી વધુ યાદ કરવામાં આવે છે. જનરલ ધિલ્લોન તાજેતરમાં તેમના પુસ્તક 'કિતને ગાઝી આયે કિતને ગયે' માટે ચર્ચામાં આવ્યા હતા. તેમણે ખીણમાં અનેક મહત્વપૂર્ણ આર્મી ઓપરેશનનું સફળતાપૂર્વક નેતૃત્વ કર્યું છે.

Thank you dear Countrymen

But, Don’t worry… Indian Army will still protect you always, everywhere, every time

Jai Hind 🇮🇳 https://t.co/nr6BMJyofP

— KJS DHILLON🇮🇳 (@TinyDhillon) May 6, 2023

વીડિયો પંજાબના હલવાલાનો કહેવામાં આવી રહ્યો છે

વાસ્તવમાં આ વીડિયો પંજાબના હલવાલાનો જણાવવામાં આવી રહ્યો છે. આ વીડિયોમાં સેનાના કવાયત કાફલામાં સામેલ એક ટ્રકમાં આગ લાગી હતી. આ ઘટના લુધિયાણા-ફિરોઝપુર નેશનલ હાઈવે પર બની હતી. આ અકસ્માતમાં કોઈને ઈજા થવાના સમાચાર નથી. જો કે ભારે પવનના કારણે ટ્રકમાં રાખેલો સામાન બળી ગયો હતો. ફાયર બ્રિગેડ ઘટના સ્થળે પહોંચી ત્યાં સુધીમાં આર્મીના જવાનોએ આગ પર કાબુ મેળવી લીધો હતો.