બોલીવૂડ / દિગ્ગજ અભિનેતા દિલીપ કુમાર હોસ્પિટલમાં દાખલ, સાયરા બાનોએ આપી જાણકારી

• દિલીપ કુમાર હોસ્પિટલમાં દાખલ
• સાયરા બાનોએ આપી જાણકારી
• રુટિન ચેક અપ માટે ગયા છે હોસ્પિટલ

સાયરા બાનો અને દિલીપ કુમાર બોલીવૂડના તે કપલ્સમાંથી એક છે ક જેમના પ્રેમને ઉદાહરણ તરીકે બતાવવામાં આવી છે. અભિનેતાના સ્વાસ્થ્યને કારણે તેમને હોસ્પિટલમાં દાખલ થવુ પડ્યુ છે. જો કે તે રેગ્યુલર ચેક અપ માટે દવાખાનામાં દાખલ થયા છે. 

મિડીયા રિપોર્ટની માનીએ તો આ વાતની જાણકારી ખુદ સાયરા બાનોએ આપી છે. તેણે કહ્યું કે દિલીપ કુમારના સ્વાસ્થ્યના કારણોને લીધે અમે અહીં ચેક અપ માટે આવ્યા છીએ. ઇશ્વરની કૃપાથી અમે જલ્દી જ સુરક્ષિત થઇને ઘરે પરત જઇશું. દિલીપ કુમાર અને સાયરા બાનોએ પોતાની 54મી એનીવર્સરી નહોતી ઉજવી. 

કોરોના વાયરસના કારણે દિલીપના બંને નાના ભાઇનું નિધન થયુ હતુ. જેના કારણે બંનેએ આ નિર્ણય લીધો હતો. દિલીપ કુમારે પોતે સોશ્યલ મિડીયા પર આ વાતની જાણકારી આપી હતી. જેમાં તેમણે બંને ભાઇના અવસાનને લઇને દુખ જતાવ્યુ હતુ. 

11 ઓક્ટોબર એ હંમેશાં મારા જીવનનો સૌથી સુંદર દિવસ 

આપને જણાવી દઇએ કે તાજેતરમાં સાયરા બાનુએ દિલીપકુમારના ટ્વિટર એકાઉન્ટથી તેના દિલની વાત શેર કરી હતી. સાયરાએ લખ્યું- '11 ઓક્ટોબર એ હંમેશાં મારા જીવનનો સૌથી સુંદર દિવસ હોય છે. દિલીપ સાહેબે આ દિવસે મારી સાથે લગ્ન કર્યા અને મારા સપના સાકાર કર્યા. પરંતુ આ વર્ષે 11 ઓક્ટોબરના રોજ, અમે ઉજવણી નથી કરતાં કારણ કે તમે બધાને ખબર હશે કે અમે અમારા બે ભાઈઓ અહસન ભાઈ અને અસલમ ભાઈને ગુમાવ્યા છે.

65 જેટલી ફિલ્મમાં કર્યું કામ 

આપને જણાવી દઇએ કે, દિલીપકુમાર બોલિવૂડ એક્ટરની સાથે સાથે પ્રોડ્યૂસર પણ છે. દિલીપકુમાર હિન્દી સિનેમામાં પોતાના કામ માટે જાણીતા છે. તે 'ટ્રેજેડી કિંગ' અને 'ધ ફર્સ્ટ ખાન' તરીકે પણ ઓળખાય છે. દિલીપ કુમારે 1944 માં ફિલ્મ 'જુવાર ભાટા' થી શરૂઆત કરી હતી. 5 દાયકા સુધી ચાલેલી તેની કારકિર્દીમાં તેમણે લગભગ 65 ફિલ્મોમાં કામ કર્યું. તેમની 'અંદાઝ', 'બાબુલ', 'દિદાર', 'આન', 'દાગ', 'દેવદાસ', 'આઝાદ', 'નયા દૌર', 'યહૂદી', 'મધુમતી', 'કોહિનૂર' અને 'મુગલ- જેવી ફિલ્મો છે. 'એ-આઝમ' જેવી ફિલ્મ્સ માટે સારી રીતે ખૂબ જ લોકપ્રિય બન્યા છે.