એક્શન / દિલ્હી મહિલા આયોગમાંથી 223 કર્મચારીઓની હકાલપટ્ટી, LGના આદેશ પર કરવામાં આવી મોટી કાર્યવાહી

Delhi News : લોકસભા ચૂંટણી વચ્ચે દિલ્હીથી એક મોટી અપડેટ સામે આવી રહી છે. વાત જાણે એમ છે કે, દિલ્હીના લેફ્ટનન્ટ ગવર્નરે દિલ્હી મહિલા આયોગના કર્મચારીઓ સામે મોટી કાર્યવાહી કરી છે. મોટી કાર્યવાહી કરતા દિલ્હીના LG વિનય સક્સેનાએ દિલ્હી મહિલા આયોગમાંથી 223 કર્મચારીઓને બરતરફ કરી દીધા છે. LGના આદેશ પર દિલ્હી મહિલા આયોગે તેના 223 કર્મચારીઓને તાત્કાલિક અસરથી હટાવી દીધા છે.

વાસ્તવમાં આ તમામ કર્મચારીઓ તે કર્મચારીઓ છે જેમની નિમણૂક દિલ્હી મહિલા આયોગના પૂર્વ અધ્યક્ષ સ્વાતિ માલીવાલ દ્વારા કરવામાં આવી હતી. આરોપ છે કે, દિલ્હી મહિલા આયોગના તત્કાલીન અધ્યક્ષ સ્વાતિ માલીવાલે નિયમોની વિરુદ્ધ જઈને પરવાનગી વિના તેમની નિમણૂક કરી હતી.

વધુ વાંચો: કેસરગંજ સીટથી બ્રિજભૂષણ શરણસિંહની ટિકિટ કટ! તો BJP હવે કોને મેદાનમાં ઉતારે તેવી શક્યતા

આવો જાણીએ શું છે ઓર્ડરમાં ?

આ આદેશમાં દિલ્હી મહિલા આયોગ એક્ટનો ઉલ્લેખ કરવામાં આવ્યો છે, જે કહે છે કે આયોગમાં માત્ર 40 પોસ્ટ જ મંજૂર છે અને DCW પાસે કર્મચારીઓને કોન્ટ્રાક્ટ પર રાખવાનો અધિકાર નથી. દિલ્હી મહિલા આયોગ વિભાગના અધિક નિર્દેશક દ્વારા જાહેર કરાયેલા આ આદેશમાં એમ પણ કહેવામાં આવ્યું છે કે, નવી નિમણૂકો પહેલા આવશ્યક પદોનું કોઈ મૂલ્યાંકન કરવામાં આવ્યું ન હતું અને ન તો વધારાના નાણાકીય બોજ માટે પરવાનગી લેવામાં આવી હતી. તમને જણાવી દઈએ કે, ફેબ્રુઆરી 2017માં તત્કાલિન લેફ્ટનન્ટ ગવર્નરને સુપરત કરાયેલ તપાસ રિપોર્ટના આધારે આ કાર્યવાહી કરવામાં આવી છે.