દુઃખદ / થરાદ પાસે ભારતમાલા હાઇવે પર ભયંકર અકસ્માત, નંદી સાથે કાર અથડાતા 2ના ઘટનાસ્થળે મો*ત

વાવ-થરાદના ભારતમાલા હાઇવે પર આજે ગંભીર અકસ્માત સર્જાયો હતો. હાઇવે પર અચાનક પશુ આવી જતા એક કાર ચાલકે વાહન પરનો કાબૂ ગુમાવ્યો હતો. અકસ્માત એટલો ભયંકર હતો કે કારનો આગળનો ભાગ સંપૂર્ણપણે ક્ષતિગ્રસ્ત થઈ ગયો હતો.

મળતી માહિતી મુજબ, અકસ્માતમાં કારમાં સવાર બે લોકોના ઘટનાસ્થળે જ મોત થયા હતા. ઘટનાની જાણ થતાં સ્થાનિક લોકો તેમજ સંબંધિત તંત્ર ઘટનાસ્થળે પહોંચ્યું હતું. મૃતદેહોને જરૂરી કાર્યવાહી માટે ખસેડવામાં આવ્યા હતા.

અકસ્મતમાં કારનો કચ્ચરઘાણ વળી જતાં ઘટનાસ્થળે ભયાનક દૃશ્ય સર્જાયું હતું. અકસ્માતને પગલે હાઇવે પર થોડા સમય માટે અફરાતફરીનો માહોલ જોવા મળ્યો હતો.

આ પણ વાંચોઃ પોલીસ યુનિફોર્મમાં મહિલાનો ડાન્સ વિવાદ મામલે ખુદ પૂર્વ કાઉન્સિલરે કર્યો મોટો ખુલાસો

અકસ્મત અંગે પોલીસ દ્વારા વધુ તપાસ હાથ ધરવામાં આવી છે. મૃતકોની ઓળખ અને અકસ્માતની ચોક્કસ પરિસ્થિતિ અંગેની વિગતો તપાસ બાદ સ્પષ્ટ થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ