વાસ્તુ શાસ્ત્ર / શું તમને પણ ગમે ત્યાં ઝાડુ ફેંકી દેવાની છે આદત? તો સાવધાન! નહીં તો ઊભી થશે અનેક મુશ્કેલીઓ

• સાવરણી નકારાત્મક ઉર્જા કરે છે દૂર 
• ગમે તે દિવસે ન ફેંકો જુની સાવરણી 
• જાણો વાસ્તુ અનુસાર શું છે નિયમો 

સાવરણીને હિંદૂ ધર્મમાં ખૂબ જ મહત્વ આપવામાં આવ્યું છે. એવું એટલા માટે કારણ કે સાવરણીને માતા લક્ષ્મીનું પ્રતિક માનવવામાં આવે છે. હકીકતે સાવરણીનો ઉપયોગ ઘરની સાફ-સફાઈમાં કરવામાં આવે છે. જે કચરામાં રહેલી દરેક પ્રકારની નકારાત્મક ઉર્જાને ઘરમાંથી બહાર કાઢવામાં મદદ કરે છે. પરંતુ ઘણા લોકો જુની સારવરણીને ગમે ત્યારે ફેંકી દે છે. જ્યારે વાસ્તુ શાસ્ત્રમાં જુની સાવરણીને લઈને પણ નિયમ જણાવવામાં આવ્યા છે. 

તૂટેલી સાવરણીનો ઉપયોગ કરવો જોઈએ કે નહીં? 
ઘણા લોકો તૂટેલી સાવરણીથી પણ કામ કરતા હોય છે. પરંતુ વાસ્તુ શાસ્ત્ર અનુસાર જો ઘરની સાવરણી તુટી ગઈ છે કે જુની થઈ ગઈ છે તો તેને ઘરમાં રાખવા કરતા હટાવી દો. એવું એટલા માટે કારણ કે જુની તૂટેલી સાવરણી ઘરમાં નેગેટિવ એનર્જી લાવે છે. જેના કારણે તમને ઘર અને જીવનમાં મુશ્કેલીઓ વધી શકે છે. 

જુની સાવરણીને ક્યારેય ફેંકવી? 
જો તમે જુની સાવરણી ગમે તે દિવસે ઘરમાંથી બહાર ફેંકી દો છો તો જણાવી દઈએ કે તમારે આમ ન કરવું જોઈએ. જુની સાવરણીને ઘરમાંથી બહાર ફેંકવા માટે શનિવાર અને અમાસનો દિવસ યોગ્ય રહે છે. તેની સાથે જ તમે જુની સાવરણીને ગ્રહણ પડવા બાદ કે પછી હોળીકા દહન બાદ પણ ઘરમાંથી બહાર ફેંકી શકો છો. આ રીતે ઘરમાં હાજર નકારાત્મક ઉર્જા પણ સાવરણીની સાથે બહાર જતી રહે છે અને ઘરમાં સકારાત્મક ઉર્જાનો સંચાર વધે છે. 

કઈ જગ્યા પર ફેંકશો સાવરણી 
જુની સાવરણીને કોઈ પણ સ્થાન પર ન ફેંકો. તેને એવી જગ્યા પર ફેંકો જ્યાં કોઈના પગમાં ન આવે. તેના ઉપરાંત કોઈ ગટર કે કોઈ ઝાડની પાસે પણ તેને ન ફેંકવી જોઈએ. સાથે જ આ વાતનું ધ્યાન પણ રાખો કે ભૂલથી પણ સાવરણીને સળગાવવી ન જોઈએ. 

કયા દિવસે ન ફેંકવી જોઈએ સાવરણી? 
જુની સાવરણીને ક્યારેય પણ ગુરૂવાર કે પછી શુક્રવારના દિવસે ઘરની બહાર ન ફેંકવી જોઈએ. તેની સાથે જ આ વાતનું ધ્યાન પણ રાખો કે જે દિવસે તમે જુની સાવરણી ઘરમાંથી બહાર ફેંકો તે દિવસે એકાદશી પણ ન હોવી જોઈએ. તેનાથી માતા લક્ષ્મી નારાજ થઈ શકે છે અને તમને ઘરમાં પૈસાની મુશ્કેલીઓ આવી શકે છે.