વાસ્તુ ટિપ્સ / ઘરના આ રૂમમાં અવશ્ય લગાવી દેવો જોઈએ અરીસો: પોઝિટિવ ઉર્જા વધશે, ભાગ્ય પણ આપશે સાથ

• વાસ્તુશાસ્ત્રમાં રસોડાનું ખૂબ જ મહત્ત્વ
• અરીસાની દિશા અને દશાનું વિશેષ મહત્ત્વ
• ડાઈનિંગ રૂમમાં અરીસો લગાવવાના વાસ્તુ નિયમ

દરેક વ્યક્તિના ઘરમાં અરીસો તો હશે જ. સવારે ઉઠવાથી લઈને રાત્રે સૂવે ત્યાં સુધીમાં અનેક વાર અરીસામાં જોવે છે. શું તમને ખબર છે કે, આ અરીસો તમારા માટે મુસીબત બની શકે છે. વાસ્તુશાસ્ત્રમાં અરીસાની દિશા અને દશાનું ખૂબ જ મહત્ત્વ જણાવવામાં આવ્યું છે. વાસ્તુશાસ્ત્રમાં ઘર અને રસોડાને ખૂબ મહત્વ આપવામાં આવ્યું છે. ઘરમાં વાસ્તુશાસ્ત્રના નિયમનું પાલન ખાસ કરવું જોઈએ. જો આમ કરવામાં ન આવે તો માણસની જિંદગીમાં અનેક પ્રકારની મુશ્કેલીઓ આવતી હોય છે.

વાસ્તુશાસ્ત્ર અનુસાર ડાઈનિંગ રૂમમાં અરીસો લગાવવા બાબતે અહીંયા જાણકારી આપવામાં આવી છે. ડાઈનિંગ રૂમમાં અરીસો લગાવવાને શુભ માનવામાં આવે છે અને જો આ અરીસો મોટો હોય તો તે વધુ શુભ માનવામાં આવે છે. ડાઈનિંગ રૂમની દીવાલ પર મોટા અરીસા લગાવવાથી ઊર્જાનો અદભુત સ્ત્રોત સાબિત થાય છે. જે નસીબ માટે શુભ માનવામાં આવે છે. 

ડાઈનિંગ ટેબલની સામે મોટો અરીસો હોય અને જમવા દરમિયાન અરીસામાં જોવાથી ભોજન બમણું થવાનો આભાસ થાય છે. આ કારણોસર ભૂખ વધુ લાગે છે અને સાથે સાથે ઘરના તમામ સભ્યોનું આરોગ્ય પણ સારું રહે છે. ઉપરાંત ખુશીનો સંચાર થાય છે. રસોડું પશ્ચિમમુખી હોય તો તમારે પાછળની તરફ એટલે કે, પૂર્વ દિશાની દીવાલ પર ગોળ અરીસો લગાવવો જોઈએ. આ પ્રકારે કરવાથી રસોડામાં વાસ્તુ સંબંધિત સમસ્યા દૂર થાય છે.