હાર્ટ એટેક / મેરેથોન દોડ પૂર્ણ કર્યા બાદ ઓચિંતા 15 વર્ષીય વિદ્યાર્થીનીને લઇ જવી પડી હોસ્પિટલ, નિપજ્યું મોત, પરિવાર આઘાતમાં

નાની ઉંમરે હાર્ટ એટેક આવવાની ઘટનાનું પ્રમાણ વધી રહ્યું છે ત્યારે વલસાડ જિલ્લાના ઉમરગામ ની હદ પર આવેલ એક શાળામાં યોજાયેલ મેરેથોન દોડમાં દોડી રહેલ 15 વર્ષે વિદ્યાર્થીની મોત થતા ચકચાર બચી જવા પામી છે.ઉમરગામ અને મહારાષ્ટ્રની હદ પર મહારાષ્ટ્રના સોરઠવાડામાં આવેલી ભારતી એકેડેમી ઇંગલિશ હાઇસ્કુલ નામની સ્કૂલમાં યોજાયેલ મેરાથોન દોડ માં શાળાના વિદ્યાર્થી વિદ્યાર્થીનીઓએ ભાગ લીધો હતો.

વિદ્યાર્થીનીને તાત્કાલીક સારવાર અર્થે નજીકની હોસ્પિટલમાં ખસેડાઈ

આ દરમિયાન હંમેશા મેરાથોન દોડમાં અવલ્લ આવતી ધોરણ 10માં અભ્યાસ કરતી રોશની રાકેશભાઈ ગૌસ્વામી નામની 15 વર્ષીય એક વિદ્યાર્થીનીએ આ વર્ષે પણ ભાગ લીધો હતો. અને પહેલા નંબરે મેરાથોન દોડ પૂરી કરી હતી. દોડ પૂરી કર્યા બાદ તેની અચાનક તબિયત લથડી હતી. આથી શિક્ષકો દ્વારા આ વિદ્યાર્થીનીને તાત્કાલિક નજીકની હોસ્પિટલમાં લઈ જવામાં આવી હતી.

વિદ્યાર્થીની મેરાથોન રેસમાં પહેલા નંબરે આવી હતી

ત્યારબાદ વધુ સારવાર માટે અન્ય હોસ્પિટલ ખસેડી હતી. પરંતુ ફરજ પરના તબીબે આ વિદ્યાર્થીનીનું મોત નીપજયું હોવાનું જણાવ્યું હતું.. દર વર્ષે શાળામાં મેરેથોન દોડમાં અવ્વલ રહેતી આ વિદ્યાર્થીની આ વખતે પણ પહેલા નંબરે આવી મેરાથોનની રેસ જીતી હતી. પરંતુ જિંદગીની રેસ હારી જતા મોત નીપજ્યું હતું. આથી સમગ્ર પંથકમાં ગમગીનીનો માહોલ છવાયો હતો.

આ પણ વાંચોઃ હિંમતનગરમાં સ્કૂલ બસનો અકસ્માત, તો દ્વારકામાં હીટ એન્ડ રન, ગુજરાત માટે શનિવાર આજે ભારે રહ્યો!

પરિવારજનોમાં શોકનો માહોલ

બનાવની જાણતા જ મૃતક વિદ્યાર્થીની ના માતા પિતા પણ તાત્કાલિક સ્કૂલ અને હોસ્પિટલ પહોંચ્યા હતા. જ્યાં પોતાની વહાલસોયી દીકરીના મોતના સમાચાર સાંભળતા જ તેમના પગ નીચેથી જાણે જમીન ખસકી ગઈ હતી. અને હોસ્પિટલ પરિસરમાં વિદ્યાર્થીનેના પરિજનોના આક્રંદને કારણે કરુણ ગમગીન વાતાવરણ સર્જાયું હતું.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ