ઉત્તરાખંડ / 15 દિવસની છુટ્ટી, 1 લાખની મદદ... સિલ્કયારા ટનલમાંથી સુરક્ષિત નીકળેલા મજૂરો માટે શું-શું નિર્ણય લેવાયા, જાણો વિગત

• ઉત્તરકાશી ટનલમાં રેસ્ક્યું સફળતાપૂર્વક પૂર્ણ
• 41 મજૂરોને સુરક્ષિત રીતે બહાર કાઢવામાં આવ્યા
• મજૂરો માટે ઉત્તરાખંડ સરકારે કરી જાહેરાત
• તમામ મજૂરોને રૂ.1-1 લાખ આપશે સરકાર

સિલ્ક્યારા-બરકોટ ટનલનો એક ભાગ તૂટી પડતાં 41 મજૂરો 17 દિવસ સુધી તેમાં ફસાયા હતા. મંગળવારે સાંજે આ મજૂરોને સુરક્ષિત રીતે બચાવી લેવામાં આવ્યા હતા. કામદારોને સૂર્યપ્રકાશ અથવા તાજી હવા વિના મર્યાદિત જગ્યામાં સમય પસાર કરવો પડ્યો હતો. તેથી બચાવીને તેઓને ચિન્યાલીસૌર સામુદાયિક આરોગ્ય કેન્દ્ર ખાતે 24 કલાક તબીબી નિરીક્ષણ હેઠળ રાખવામાં આવ્યા છે. આ હોસ્પિટલમાં 41 બેડનો અલગ વિભાગ બનાવવામાં આવ્યો છે. એક અહેવાલ અનુસાર ઉત્તરાખંડના મુખ્યમંત્રી પુષ્કર સિંહ ધામીએ કહ્યું કે ડોક્ટરોની ભલામણોના આધારે આગળની રણનીતિ નક્કી કરવામાં આવશે. ધામીએ વધુમાં જણાવ્યું હતું કે, ફસાયેલા મજૂરો ખૂબ જ અસામાન્ય વાતાવરણમાંથી બહાર આવ્યા હોવાથી તેમને નિરીક્ષણ હેઠળ રાખવામાં આવશે અને ડૉક્ટરોની ભલામણોના આધારે અમે આગળની કાર્યવાહી નક્કી કરીશું.

सिलक्यारा टनल में फँसे श्रमिकों को सुरक्षित बाहर निकालने हेतु गत 17 दिनों से अथक परिश्रम के साथ लगे बचाव दल के सदस्यों से भेंट कर उनका धन्यवाद व्यक्त किया।

केंद्रीय एजेंसियों, सेना एवं प्रदेश प्रशासन की टीमों के बेहतरीन समन्वय एवं आप सभी के समर्पण भाव से ही असंभव सा प्रतीत होने… pic.twitter.com/JK10COJlJf

— Pushkar Singh Dhami (@pushkardhami) November 28, 2023

15 દિવસની પેઇડ લીવ?

તેમણે પુષ્ટિ કરી કે તેમાંથી કોઈને પણ કોઈ તબીબી સમસ્યા નથી અને બધાની તબિયત સારી છે. તેમણે વધુમાં કહ્યું કે સ્ટ્રેચરની ઉપલબ્ધતા હોવા છતાં કોઈ કર્મચારીએ તેનો ઉપયોગ કર્યો નથી. ઉત્તરાખંડ સરકારે બચાવેલા દરેક મજૂરને 1 લાખ રૂપિયાની આર્થિક સહાયની જાહેરાત કરી હતી. તેમણે કહ્યું કે 'અમારા દરેક મજૂર ભાઈઓ માટે અમે ઉત્તરાખંડ સરકાર તરફથી 1 લાખ રૂપિયાની આર્થિક સહાયની જાહેરાત કરી છે. અમે બુધવારે ચેક સોંપીશું. અમે NHIDCLને પણ વિનંતી કરીશું કે તેઓ તેમને 15 દિવસની પેઇડ રજા આપે જેથી તેઓ તેમના ઘરે પાછા જઈ શકે.

मानवता और टीम वर्क की एक अद्भुत मिसाल बना सिल्क्यारा टनल रेस्क्यू अभियान.. pic.twitter.com/Yaz0QTfjLu

— Pushkar Singh Dhami (@pushkardhami) November 28, 2023

દેશભરમાંથી મંગાવવામાં આવેલા મશીનો પણ પાછા મોકલવાનું શરૂ થશે

સૂત્રોના જણાવ્યા અનુસાર, ઝારખંડ અને ઓડિશા સરકારો તેમના રાજ્યોમાંથી બચાવાયેલા કામદારોને હવાઈ માર્ગે પરત લાવવાની યોજના બનાવી રહી છે, જ્યારે ઉત્તર પ્રદેશ અને અન્ય સરકારો મેડિકલ તપાસ પૂર્ણ થયા બાદ આ અંગે નિર્ણય લેશે. બચાવાયેલા કામદારોમાં ઝારખંડના 15, ઉત્તર પ્રદેશના 8, ઓડિશા અને બિહારના 5-5, પશ્ચિમ બંગાળના 3, ઉત્તરાખંડ અને આસામના 2-2 અને હિમાચલ પ્રદેશના 1નો સમાવેશ થાય છે. ઓપરેશનમાં સામેલ તમામ બચાવ કાર્યકરો અને નિષ્ણાતો તેમજ દેશભરમાંથી મંગાવવામાં આવેલા મશીનો પણ પાછા મોકલવાનું શરૂ થશે. ધામીએ પણ પુષ્ટિ કરી કે તેઓ ઉત્તરાખંડમાં આવી તમામ ટનલનું મૂલ્યાંકન કરશે અને ભારત સરકારે પહેલેથી જ સલામતી ઓડિટની જાહેરાત કરી છે.