વિશ્વ / અમેરિકન આર્મીએ કેરેબિયન સીમાં ફરી વરસાવ્યા બોમ્બ, ડ્રગ માફિયાનું જહાજ ધ્વસ્ત

કેરેબિયન સમુદ્રમાં અમેરિકન સેનાએ એક જહાજ પર મારક હુમલો કર્યો છે. અમેરિકી દક્ષિણી કમાન્ડના જણાવ્યા અનુસાર આ જહાજ નો ઉપયોગ નશીલા પદાર્થોની તસ્કરી માટે થઈ રહ્યો હતો. 19 સપ્ટેમ્બરે જોઈન્ટ ટાસ્ક ફોર્સ વેસ્ટર્ન હેમિસ્ફિયરે આ કાર્યવાહી હાથ ધરી હતી જેમાં ચાર લોકોના મોત થયા છે.

જે અંગે સેનાએ કહ્યું કે તેમની પાસે આ જહાજની હિલચાલ અંગે કન્ફર્મ કરેલી ગુપ્ત માહિતી હતી. આ જહાજ એવા સમુદ્રી માર્ગો પર ફરતું હતું જે પહેલેથી જ ડ્રગ તસ્કરી માટે જાણીતા છે. આ જાણકારીના આધારે સેનાએ તેને નિશાન બનાવ્યું અને જીવલેણ હુમલો કર્યો. અમેરિકી કમાન્ડે માર્યા ગયેલા ચાર લોકોને ‘નાર્કો-ટેરરિસ્ટ’ ગણાવ્યા છે, એટલે કે એવા લોકો જેમના પર ડ્રગ તસ્કરી અને તેની સાથે જોડાયેલી ગુનાહિત એક્ટીવીટીનો આરોપ છે.

આ કાર્યવાહીને સેનાએ ‘લિથલ કાઇનેટિક સ્ટ્રાઈક’ તરીકે ગણાવી છે. અમેરિકન દક્ષિણી કમાન્ડે એક્સ પર આ માહિતી શેર કરી હતી. હાલમાં વહાણ પર સવાર લોકોની ઓળખ કે તેમની નાગરિકતા અંગે કોઈ ડીટેલ જાહેર કરવામાં આવી નથી.

વધુ વાંચો : 100% ટેરિફવાળા કાયદાને ટ્રમ્પે આપી મંજૂરી, વધી ભારતની મુશ્કેલી

આ ઘટના કેરેબિયન વિસ્તારમાં ડ્રગ તસ્કરી સામે અમેરિકી સેનાની સક્રિય કાર્યવાહીને ફરી એકવાર સામે લાવી છે. જેમાં સેનાનું કહેવું છે કે આ પગલું સીધું નશીલા પદાર્થોની તસ્કરી અટકાવવાના અભિયાનનો ભાગ હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ