બિઝનેસ / અમેરિકા–ભારત ટ્રેડ ડીલ બાદ આજે કયા શેરોમાં રહેશે હલચલ?, જાણો અહીંયા

અમેરિકા અને ભારત વચ્ચે થયેલી ટ્રેડ ડીલના કારણે મંગળવારે શેરબજારમાં જોરદાર તેજી જોવા મળી. એનાલિસ્ટ કહે છે કે બજેટમાં F&O ટ્રેડિંગ પર STT વધારવાની જાહેરાત બાદ નિફ્ટીમાં જે વેચવાલી શરૂ થઈ હતી, તે પછી હવે આવેલી આ મોટી તેજી શોર્ટ-ટર્મ ટ્રેન્ડ બદલાવનો સંકેત આપી રહી છે, કારણ કે નિફ્ટીએ ફરી પોતાના મહત્વના મૂવિંગ એવરેજ સ્તર પર પકડ બનાવી લીધી છે.

આજે બજારની શરૂઆત નબળી રહેવાના સંકેતો મળી રહ્યા છે. ગિફ્ટ નિફ્ટી 51.50 પોઈન્ટ એટલે કે લગભગ 0.20 ટકા નીચે દેખાઈ રહ્યો છે અને નિફ્ટી ફ્યુચર્સ 25,813.50ની આસપાસ ટ્રેડ થઈ રહ્યો છે. આજના કારોબારમાં ટ્રેન્ટ, BPCL, બજાજ ફાઇનાન્સ, મેનકાઈન્ડ ફાર્મા અને અપોલો ટાયર્સ જેવી કંપનીઓના શેર અલગ-અલગ કારણોસર ચર્ચામાં રહેશે.

આ કંપનીનું ક્વાર્ટર રિઝલ્ટ આવશે આજે

આજે ટ્રેન્ટ, NHPC, ટ્યુબ ઇન્વેસ્ટમેન્ટ્સ, હેક્સાવેયર ટેક્નોલોજીઝ અને અપોલો ટાયર્સના શેર ધ્યાનમાં રહેશે કારણ કે આ કંપનીઓ પોતાની ત્રીજા ક્વાર્ટરની કમાણીના પરિણામો જાહેર કરવાની છે.

બજાજ ફાઈનાન્સ

મંગળવારે બજાર બંધ થયા પછી બજાજ ફાઇનાન્સે વર્ષ 2026ના ત્રીજા ત્રિમાસિકના પરિણામ જાહેર કર્યા જેમાં કંપનીનો કુલ નફો ગયા વર્ષની આ જ ત્રિમાસિકની તુલનામાં 6 ટકા ઘટીને 4,066 કરોડ રૂપિયા રહ્યો આ ઘટાડો વધેલા ECL પ્રોવિઝન અને નવા લેબર કોડના એક વખતના ખર્ચને કારણે થયો પરંતુ આ ખર્ચો કાઢી નાખીએ તો નફો 23 ટકા વધીને 5,317 કરોડ રૂપિયા થયો.

મેનકાઈન્ડ ફાર્મા

મંગળવારે ભારતીય દવા કંપની મેનકાઈન્ડ ફાર્માએ ત્રીજા ત્રિમાસિકના પરિણામ જાહેર કર્યા જેમાં 31 ડિસેમ્બરે પૂરી થયેલી ત્રિમાસિકમાં કંપનીનો કુલ નફો 380 કરોડ રૂપિયાથી વધીને 409 કરોડ રૂપિયા (45.3 મિલિયન ડોલર) થયો અને આ વધારાનું મુખ્ય કારણ લાંબી બીમારીઓની દવાઓની દેશમાં મજબૂત માંગ રહી.

BPCL

સરકારી કંપની ભારત પેટ્રોલિયમે (BPCL) આવતા નાણાકીય વર્ષ માટે પોતાનો ખર્ચ યોજના 35 ટકા વધારીને 25,000 કરોડ રૂપિયા કરી દીધી છે કારણ કે પેટ્રોકેમિકલ્સના બિઝનેસમાં તેજી આવી છે જ્યારે તેની હરીફ કંપનીઓ ઇન્ડિયન ઓઇલ અને ONGCએ પોતાનો રોકાણ ખર્ચ ઘટાડી દીધો છે.

પિડિલાઇટ ઇન્ડસ્ટ્રીઝ

પિડિલાઇટ ઇન્ડસ્ટ્રીઝે ડિસેમ્બર 2025માં પૂરી થયેલી ત્રીજી ત્રિમાસિકમાં 12 ટકા વધારા સાથે 624 કરોડ રૂપિયાનો નફો કર્યો જ્યારે ગયા વર્ષે આ જ સમયગાળામાં તેનો નફો 557 કરોડ રૂપિયા હતો. આ કંપની ગુંદર, સીમેન્ટ અને બાંધકામના રસાયણ બનાવે છે.

આ પણ વાંચોઃ ટેરિફમાં રાહત મળતા કયા-કયા સેક્ટરને થશે સીધી અસર? જુઓ કોને નુકસાન-કોને ફાયદો

AB Capital

આદિત્ય બિરલા કેપિટલે પણ ડિસેમ્બર ત્રિમાસિકના પરિણામ જાહેર કર્યા જેમાં તેનો કુલ નફો 33 ટકા વધીને 945 કરોડ રૂપિયા થયો જે ગયા વર્ષના 708 કરોડ રૂપિયાથી વધુ છે અને આ પરિણામની અસર આજે તેના શેર પર જોવા મળી શકે છે.

DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ