US Attack on Iran / ઈરાન પર અમેરિકાનો જોરદાર હવાઈ હુમલો, કહ્યું ''આ તો ચેતવણી છે'

મિડલ ઇસ્ટમાં હોર્મુઝની ખાડી ફરી એકવાર યુદ્ધનું મેદાન બની ગઈ છે. અપાચે હેલિકોપ્ટરના ક્રેશ બાદ અમેરિકાએ ફરી એકવાર ઈરાન પર હુમલો કર્યો છે. જેમાં ડોનાલ્ડ ટ્રમ્પ અને ઈરાન બંને દ્વારા આ વાતની પુષ્ટિ કરવામાં આવી છે. અમેરિકન મીડિયા રિપોર્ટ્સ મુજબ એક ઈરાન પર અમેરિકાના હુમલાઓએ હોર્મુઝની આસપાસના અનેક એર ડિફેંસ અને રડાર સિસ્ટમોને નિશાન બનાવ્યા છે.

આ અંગે ટ્રમ્પે કહ્યું કે, જવાબ આપવો જરૂરી છે. અમેરિકન રાષ્ટ્રપતિ ડોનાલ્ડ ટ્રમ્પે દાવો કર્યો હતો કે ઈરાને હોર્મુઝ સ્ટ્રેટમાં એક અમેરિકન અપાચે હેલિકોપ્ટરને તોડી પાડ્યું હતું, આથી અમેરિકાએ મંગળવારે ઈરાન સામે લશ્કરી કાર્યવાહી શરૂ કરી હતી. બીજી તરફ ઈરાનનો દાવો છે કે તેને યુએસ અપાચે હેલિકોપ્ટરને તોડી પાડ્યું નથી અને આ ઘટનાનો ઉપયોગ ઈરાન પર હુમલો કરવાના બહાના તરીકે કરી રહ્યું છે. અત્યારે બંને દેશો વચ્ચે તણાવ વધી ગયો છે અને શાંતિ વાટાઘાટોની સંભાવનાઓ પર ફરી સવાલ ઊભો થયો છે.

ઈરાની સ્ટેટ મીડિયાએ અહેવાલ આપ્યો છે કે, હોર્મુઝના કેશમ ટાપુ પર હુમલો થયો છે, અને એક પ્રોજેકટાઇલ સિરિકમાં પડ્યા હોવાની પુષ્ટિ થઈ છે. બંદર અબ્બાસ પર પણ હુમલો કરવામાં આવ્યો હતો. ઈરાનની સ્ટેટ સમાચાર એજન્સી અનુસાર હોર્મુઝગનના પૂર્વીય વિસ્તારોમાં વિસ્ફોટોનાઆવજ સંભળાયા હતા.

વધુ વાંચો : ઈરાને અમેરિકી અપાચે હેલિકોપ્ટર તોડી પાડ્યું, ભડકેલા ડોનાલ્ડ ટ્રમ્પે આપી કડક ચેતવણી

અમેરિકાના હુમલા બાદ ઈરાનના વિદેશ મંત્રી સઈદ અબ્બાસ અરાઘચીએ સોશિયલ મીડિયા પ્લેટફોર્મ X પર લખ્યું કે, "યુદ્ધભૂમિમાં હાર છતાં અમેરિકાએ અમારા ઇરાદાઓની કસોટી લેવાનું નક્કી કર્યું. અમારી શક્તિશાળી સેના કોઈપણ હુમલો કે ધમકીનો જવાબ આપ્યા વગર છોડશે નહીં. જો તમે સુરક્ષિત રહેવા માંગતા હોવ તો અમારો ઇલાકો છોડી દો. ફારસની ખાડીના ઇતિહાસમાં બહારના લોકોના ઘૂસણખોરીના ભયંકર પરિણામો વિશે અનેક અધ્યાયો છે."

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ