ટેકનોલોજી / વગર ઇન્ટરનેટ કેવી રીતે કરી શકશો UPI પેમેન્ટ? આજે જ નોટ કરી લો

આજના ડિજિટલ યુગમાં આપણે ખિસ્સામાં રોકડ રાખવાનું ભૂલી શકીએ છીએ, પરંતુ આપણે ક્યારેય આપણા ફોન સાથે રાખવાનું ભૂલતા નથી. રસ્તાની બાજુમાં ચાની દુકાન હોય કે લક્ઝરી શોરૂમ, 'સ્કેન એન્ડ પે'નો જાદુ દરેક જગ્યાએ કામ કરે છે. પણ વિચારો તમે ચુકવણી કરવાના છો, અને અચાનક તમારા ફોનનું ઇન્ટરનેટ કનેક્શન નિષ્ફળ જાય છે, અથવા 'નો સર્વિસ' બોર્ડ દેખાય છે. તેવામાં ચિંતા થવી સામાન્ય છે.

પરંતુ શું તમે જાણો છો કે UPI ફક્ત ઇન્ટરનેટ પર આધારિત નથી? જી, હાં તમે મોબાઇલ ડેટા અથવા Wi-Fi વિના પણ ચુકવણી કરી શકો છો. જો તમારો ડેટા સમાપ્ત થઈ ગયો હોય, અથવા જો તમે નબળા સિગ્નલ કવરેજવાળા વિસ્તારમાં હોય, તો ગભરાવાની જરૂર નથી. કામને ઝડપથી પૂર્ણ કરવા માટે ફક્ત એક સરળ કોડની જરૂર છે. આ પદ્ધતિ કેવી રીતે કાર્ય કરે છે આવો, તે વિશે જાણીએ...

2022માં શરુ થઇ આ ટેકનિક

દેશના દરેક ખૂણા સુધી ડિજિટલ ઇન્ડિયાનો વિસ્તાર કરવા માટે, NPCI એ 2022 માં આ માસ્ટરસ્ટ્રોક અમલમાં મૂક્યો. તે ખાસ કરીને એવા પ્રદેશો માટે ડિઝાઇન કરવામાં આવ્યું હતું જ્યાં કનેક્ટિવિટી સમસ્યાઓ સતત પડકાર બની રહે છે. આ સેવા USSD ટેકનોલોજી પર આધારિત છે, જેને બેંકિંગ વ્યવહારો માટે ખૂબ જ સુરક્ષિત અને વિશ્વસનીય માનવામાં આવે છે. તેના કેટલાક મુખ્ય ફાયદા નીચે મુજબ છે:

• નો ઇન્ટરનેટ ટેન્શન: ડેટા પેક વિના પણ સંપૂર્ણપણે ઑફલાઇન કામ કરે છે.
• બેઝિક ફોન સપોર્ટ: મોંઘા સ્માર્ટફોન અને કીપેડ ફોન બંને પર ઉપલબ્ધ છે.
• રિમોટ એરિયા ફ્રેન્ડલી: પર્વતીય પ્રદેશો અથવા નબળા સિગ્નલ કવરેજવાળા વિસ્તારો માટે બેસ્ટ.
• ઝીરો એપ ડિપેન્ડન્સી: આ માટે કોઇ ભારે એપ્લિકેશનોની જરૂર નથી.

આ પણ વાંચોઃ ના તો મેસેજ આવે છે, ના તો જાય છે! WhatsApp યુઝર્સ મૂકાયા મુશ્કેલીમાં

કેવી રીતે થશે ઇન્ટરનેટ વિના UPI પેમેન્ટ ?

ઑફલાઇન પેમેન્ટ કરવી એ ફોન કૉલ કરવા જેટલું જ સરળ છે. આ સુવિધા સ્ટાન્ડર્ડ ડાયલ પેડ દ્વારા કાર્ય કરે છે અને તમારા ટ્રાન્જેક્શનને ફક્ત થોડીક સેકન્ડમાં પૂર્ણ કરે છે. યાદ રાખો કે પ્રક્રિયા કોઈપણ અડચણ વિના આગળ વધે તે માટે તમારો મોબાઇલ નંબર તમારા બેંક ખાતા સાથે લિંક હોવો જરુરી છે. પેમેન્ટ કરવા માટે આ સ્ટેપ ફોલો કરોઃ

• કોડ ડાયલ કરો: તમારા ફોન પરથી *99# ડાયલ કરો અને 'પૈસા મોકલો' ઓપ્શન પસંદ કરો.
• ડિટેલ્સ દાખલ કરો: મોબાઇલ નંબર અથવા UPI ID વિકલ્પ પસંદ કરો અને જરૂરી માહિતી ભરો.
• નામ કન્ફોર્મ કરો: સ્ક્રીન પર પ્રદર્શિત નામ ચકાસો અને રકમ લખો.
• PIN દાખલ કરો: ટ્રાંજેક્શન પૂર્ણ કરવા માટે તમારો સીક્રેટ UPI PIN દાખલ કરો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ