ક્રિકેટ / LIVE શૉમાં ધ્રુસકેને ધ્રુસકે રડવા લાગ્યો ક્રિકેટર, કહ્યું દુશ્મનને પણ આવા દિવસ જોવા ન પડે, બર્ગર ખાવાના ફાંફાં હતા

• 33 વર્ષીય જમણા હાથનો અટેકિંગ બેટ્સમેન ઉમર મુશ્કેલ દિવસોને યાદ કર્યા
• PCB દ્વારા ઉમર પર 3 વર્ષનો પ્રતિબંધ મુકવામાં આવ્યો હતો
• ઉમર અકમલે વર્ષ 2009માં આંતરરાષ્ટ્રીય ક્રિકેટમાં પ્રવેશ કર્યો હતો

Umar akmal revealed: પાકિસ્તાનનો વિકેટ કીપર બેટ્સમેન ઉમર અકમલ આ દિવસોમાં રાષ્ટ્રીય ટીમમાં વાપસી કરવાનો પ્રયાસ કરી રહ્યો છે. 33 વર્ષીય જમણા હાથનો અટેકિંગ બેટ્સમેન ઉમર મુશ્કેલ દિવસોને યાદ કરીને ભાવુક થઈ ગયો. ઉમરે તાજેતરમાં જ એક ઈન્ટરવ્યુમાં ખુલાસો કર્યો હતો કે એક સમયે તેની પાસે તેની દીકરીની સ્કૂલની ફી ભરવા અને તેને બર્ગર ખવડાવવાના પૈસા પણ નહોતા. તેણે 8 મહિના સુધી દીકરીને સ્કૂલે મોકલી ન હતી. ઉમર એ જ બેટ્સમેન છે જે પાકિસ્તાન ક્રિકેટ બોર્ડ (PCB) દ્વારા એન્ટી કરપ્શન કોડ ઓફ કંડક્ટ તોડવા બદલ દોષી સાબિત થયો હતો અને તેના પર પ્રતિબંધ મૂકવામાં આવ્યો હતો.

: 8 مہینے بیٹی کو اسکول نہیں بھیجا، بیٹی کو کھانا کھلانے اور فیس دینے کے پیسے بھی نہیں تھے، عمر اکمل آنسوؤں پر قابو نہ رکھ سکے اور پھوٹ پھوٹ کر رو پڑے
ویڈیویہاں دیکھیں: https://t.co/owtSU738ra#UmarAkmal #mominsaqib #HKD #HadKarDi pic.twitter.com/RgeYS5yT8M

— SAMAA TV (@SAMAATV) August 26, 2023

વર્ષ 2019માં છેલ્લી વખત ઈન્ટરનેશનલ મેચ રમનાર ઉમરે એક ટીવી શોમાં કહ્યું, 'જે પ્રકારના દિવસો મેં જોયા, દુશ્મનને પણ તે દિવસો જોવા નહોતા પડ્યા. ખુદા કંઈક આપીને અને લઈને પરીક્ષા લે છે. જ્યારે હું મુશ્કેલ સમયમાંથી પસાર થઈ રહ્યો હતો, ત્યારે મને મારી આસપાસના લોકોનો અસલી ચહેરો જોવા મળ્યો. તેઓએ મારો સાથ છોડી દીધો. હું એ લોકોનો આભાર માનું છું જેમણે મુશ્કેલ સમયમાં મારો સાથ નથી છોડ્યો.' ઉમર અકમલને PCB દ્વારા 2020માં ભ્રષ્ટાચાર વિરોધી સંહિતાનું ઉલ્લંઘન કરવા બદલ સસ્પેન્ડ કરવામાં આવ્યો હતો. તેના પર 3 વર્ષનો પ્રતિબંધ મુકવામાં આવ્યો હતો પરંતુ તેણે ઇન્ટરનેશનલ કોર્ટ ઓફ આર્બિટ્રેશનમાં અપીલ દાખલ કરી હતી જે બાદ તેની સજા ઘટાડીને એક વર્ષની કરવામાં આવી હતી.

میری طرف سے تمام مسلمانوں کو بہت بہت عید مبارک pic.twitter.com/FccO73dopv

— Umar Akmal (@Umar96Akmal) May 13, 2021

‘દીકરીની સ્કૂલ ફી ભરવાના પણ પૈસા ના હતા’
ઉમર અકમલ બેન ના સમયના દિવસને યાદ કરતા પોતાના આંસુ રોકી શક્યો નહીં. તેણે કહ્યું, 'મારી પાસે મારી દીકરીની સ્કૂલની ફી ભરવા અને તેને મેકડોનાલ્ડ્સ લઈ જવા માટે પૈસા નહોતા. હું મારી દીકરીને 8 મહિના સુધી શાળાએ મોકલી શક્યો નહીં. એ મુશ્કેલ સમયમાં મારી પત્નીએ મારો સાથ ન છોડ્યો. હું તેનો જેટલો આભાર માનું તેટલો ઓછો છે.'

Alhumdulillah …thank you PCB @TheRealPCB https://t.co/525CO9Ibb6

— Umar Akmal (@Umar96Akmal) November 25, 2021

ઉમર અકમલના ઇન્ટરનેશનલ ક્રિકેટ કરિયર
જમણા હાથના બેટ્સમેન ઉમર અકમલે વર્ષ 2009માં આંતરરાષ્ટ્રીય ક્રિકેટમાં પ્રવેશ કર્યો હતો. તેણે પાકિસ્તાન માટે અત્યાર સુધીમાં 16 ટેસ્ટ, 121 વનડે અને 84 T20 આંતરરાષ્ટ્રીય મેચ રમી છે. ઉમરે ટેસ્ટમાં 1 સદી અને 6 અડધી સદી ફટકારી છે, જ્યારે તેણે વનડેમાં 2 સદી અને 20 અડધી સદી ફટકારી છે. ઉમરે અત્યાર સુધી T20 ઇન્ટરનેશનલ ક્રિકેટમાં 8 અડધી સદી ફટકારી છે.