વાયરલ / રશિયા સામેના યુદ્ધ વચ્ચે વાયરલ થયો રાષ્ટ્રપતિ ઝેલેન્સકીનો જુનો VIDEO, ડાન્સ જોઈને તમે પણ કહેશો 'સાચો કલાકાર'

• ઝેલેન્સ્કીનો જુનો વીડિયો સોશિયલ મીડિયામાં વાયરલ
• ડાન્સ શોમાં લીધો હતો ભાગ
• 2014માં રાજનીતિમાં થયાં હતા સામેલ 

હવે જ્યારે રશિયાએ યુક્રેન પર આક્રમણ કર્યું છે, ત્યારે યુક્રેનના રાષ્ટ્રપતિ વોલોદીમીર ઝેલેન્સ્કી તેમની બહાદુરીની ચર્ચા ચારેકોર છે. આ દરમિયાન ઝેલેન્સકીના જૂના વીડિયો પણ વાયરલ થઈ રહ્યા છે. આવો જ એક વીડિયો વાયરલ થઈ રહ્યો છે જેમાં ઝેલેન્સકી ડાન્સ કરતી જોવા મળી રહ્યા છે.

2006માં જીત્યો હતો મોટો ખિતાબ

ખરેખર, યુક્રેનના રાષ્ટ્રપતિ વોલોદીમીર ઝેલેન્સ્કી રાષ્ટ્રપતિ બનતા પહેલા કોમેડિયન હતા. રિપોર્ટ્સ અનુસાર, આ વીડિયો 2006નો છે જ્યારે તેમણે એક ડાન્સ રિયાલિટી શોમાં ભાગ લીધો હતો. ડાન્સિંગ વિથ ધ સ્ટાર્સ નામના આ શોમાં ઝેલેન્સકીએ માત્ર ભાગ લીધો જ નહીં, પરંતુ તે આ શોનો વિજેતા પણ બન્યા હતા. વાયરલ વીડિયોમાં તે પોતાના કો-સ્ટાર સાથે ડાન્સ કરતો જોવા મળી રહ્યા છે.

so apparently Zelenskyy won the Ukrainian version of Dancing with the Stars in 2006 and the tape is even better than whatever you're imagining pic.twitter.com/L1gnKD2ISr

— Kat Abu (@abughazalehkat) February 27, 2022

વોલોદીમીર ઝેલેન્સ્કીએ 2006માં ડાન્સિંગ વિથ ધ સ્ટાર્સની યુક્રેનિયન આવૃત્તિ જીતી હતી. આ વીડિયો વાયરલ થતાં જ લોકોએ ઝેલેન્સકીના વખાણ કરવાનું શરૂ કરી દીધું, લોકો ઝેલેન્સકીની ડાન્સ સ્કિલની પ્રશંસા કરી રહ્યા છે. અહેવાલો અનુસાર, ઝેલેન્સકીએ ખૂબ જ નાની ઉંમરથી અભિનય શરૂ કર્યો હતો અને પછીથી તે યુક્રેનમાં સૌથી વધુ ચર્ચિત અભિનેતાઓમાંનો એક બની ગયો હતો.

2014માં રાજનીતિમાં થયાં હતા સામેલ 

એવું પણ કહેવાય છે કે જ્યારે યુક્રેનની સરકારે 2014માં રશિયન કલાકારોને દેશમાં કામ કરવા પર પ્રતિબંધ મૂક્યો હતો, ત્યારે તેની સામે અવાજ ઉઠાવનારાઓમાં ઝેલેન્સકી પણ સામેલ હતા. રાજકારણમાં પ્રવેશતા પહેલા, ઝેલેન્સકીએ તેમના દેશને પ્રમાણિક રાજકારણનું વચન આપ્યું હતું. હવે યુક્રેન પર રશિયાના આક્રમણથી આ નેતાની ચર્ચા આખી દુનિયામાં થઈ છે.