ઉનાળાની મોસમ જામી છે, આ કાળઝાળ ગરમીને કારણે લોકોનું જીવન અસ્ત-વ્યસ્ત થઈ ગયુ છે. તેના કારણે લોકોના હેલ્થ પર પણ અસર પડી શકે છે. તમે તમારી લાઈફસ્ટાઈલનું ધ્યાન નહીં રાખો તો તમને હાઈ બ્લડ પ્રેશરની સમસ્યા થઈ શકે છે. જો તમારી વધતી BPને કન્ટ્રોલ ન કરો તો હાર્ટ, લંગ્સ, લિવરની બીમારી પણ થઈ શકે છે.
સામાન્ય રીતે બ્લડ પ્રેશર 80થી 120ની વચ્ચે હોય છે
સામાન્ય રીતે બ્લડ પ્રેશર 80થી 120ની વચ્ચે હોય છે. જો આનાથી રેટ વધે તો તે હાઈ બીપીની શ્રેણીમાં ગણાય છે. બીપી વધવાના ઘણા કારણો હોય છે. જેમાં શારીરિક ગતિવિધિ,ઈમોશન અને તણાવને કારણે બીપી વધતુ હોય છે. આ સિવાય ખરાબ ડાયટ,સિગરેટ પીવી, મેદસ્વીતાપણુ, શારીરિક નિશ્ક્રિયતા,ફેમિલી હિસ્ટ્રી જેવા કારણો પણ જવાબદાર છે.
આ બધાની વચ્ચે એક સારી વાત એ છે કે, બીપીની સમસ્યાથી છુટકારો મેળવી શકાય છે. તમારે એના કારણોને જાણવા જરુરી છે. જો તમે બીપી કન્ટ્રોલ કરવા માંગો છો તો તમારે નીચે જણાવેલી બાબતોને ફોલો કરવી જોઈયે.
લાઈફસ્ટાઈલ
બીપીના વધવા પાછળનું મહત્વનું કારણ લાઈફસ્ટાઈલ પણ છે.જો તમારી લાઈફસ્ટાઈલ નિસ્ક્રિય છે તો તમને બીપીની સમસ્યા થઈ શકે છે. તમે જીવનશૈલી બદલીને શરીરને એક્ટિવ રાખો, દરરોજ 40-45 મિનિટ જેટલી કસરત કરો.તેમાં વોકિંગ, સ્વિમિંગ જેવી સામાન્ય કસરત પણ સામેલ છે.
વજન
બીપી કન્ટ્રોલ કરવા વજન ઘટાડવું ખૂબ જરુરી છે. હાઈ બીપીની સમસ્યાથી હાર્ટ અટેક, સ્ટ્રોકનો ખતરો વધી જાય છે. જો તમે બીપી નોર્મલ કરવા માંગો છો તો તમારે વજન ઘટાડવું જોઈયે.
મીઠું
મીંઠુ સફેદ ઝેર તરીકે કામ કરે છે. બીપીની સમસ્યા રહેતી હોય તો મીંઠુ સાવ ઓછુ કરી દેવું જોઈયે. કેમ કે મીઠામાં સોડિયમ ભરપુર માત્રામાં હોય છે જે બીપી વધારે છે.
ઝંક ફૂડ
જો તમે બ્લડ પ્રેશરને કન્ટ્રોલ કરવા માંગો છો તો તમારે ઝંક ફૂડ બીલકુલ ન ખાવુ જોઈયે. કેમ કે ઝંક ફૂડ પ્રોસેસ્ડ કરેલુ હોય છે તેમાં સોડિયમનું પ્રમાણ વધુ હોય છે. જે બીપી વધારે છે તેથી ઝંક ફૂડ ન ખાવુ જોઈયે.
ઉંઘ
જે લોકો પુરતી ઉંઘ નથી લેતા તેમનું બીપી વધી શકે છે. તમારે બીપી કન્ટ્રોલમાં રાખવુ હોય તો 7-8 કલાક ઉંઘવુ જોઈયે. જે લોકોને બીપીની સમસ્યા છે, જો તેઓ પુરતી ઉંઘ નથી લેતા તો તેઓની સ્થિતિ વધારે બગડી શકે છે.
Disclaimer: અહીંયા જણાવેલ નુસ્ખા અને સલાહો કોઈ દવા અને ઈલાજનો વિકલ્પ નથી જેથી તેને અપનાવતા પહેલા ડૉક્ટર કે બીજા કોઈ એક્સપર્ટની સલાહ જરૂરથી લેવી
