અમદાવાદમાં રાજસ્થાન હોસ્પિટલમાં લાગેલી આગમાં બે ફાયર અધિકારીને ધુમાડાની અસર થઇ છે, પંકજ રાવલ અને સુધીર ગઢવીને હોસ્પિટલમાં ડોક્ટરોની દેખરેખ હેઠળ રખાયા છે
Share
હોસ્પિટલમાં લાગેલી આગના ધુમાડાની અસર
ફાયરના બે ઓફિસરને થઈ ધુમાડાની અસર
બંને ઓફિસર હોસ્પિટલમાં સારવાર હેઠળ
અમદાવાદની રાજસ્થાન હોસ્પિટલમાં આજે વહેલી સવારે ભીષણ આગ લાગી હતી. હોસ્પિટલમાં સારવાર લઈ રહેલા 100થી વધુ દર્દીઓને ઓસવાલ ભવનમાં શિફ્ટ કરાયા હતા. જે આગની ઘટનાને પગલે ફાયરની ટીમ ઘટનાસ્થળે પહોંચી આગને કાબૂમાં મેળવવા પ્રેયાસો હાથ ધર્યા હતા. હોસ્પિટલમાં લાગેલી આગમાં બે ફાયર અધિકારીને ધુમાડાની અસર થઇ છે અને જેમને સારવાર માટે હોસ્પિટલ ખેસડાયા છે.
ફાયર ઓફિસર
ધુમાડો શ્વાસ મારફતે અંદર જતા થઈ અસર
અમદાવાદમાં રાજસ્થાન હોસ્પિટલમાં લાગેલી આગમાં બે ફાયર અધિકારીને ધુમાડાની અસર થઇ છે. જ્યારે હોસ્પિટલમાં આગ લાગી હતી ત્યારે બંને અધિકારી આગ અને ધુમાડાની અસહ્ય ગરમી વચ્ચે પ્રથમ ઘટના સ્થળે પહોંચ્યા હતા. આ દરમિયાન શ્વાસ મારફતે આગનો ધુમાડો અંદર પ્રવેશતા અસર થઈ છે. ફાયર ઓફિસર પંકજ રાવલ અને સુધીર ગઢવીને ધુમાડાની અસર થતા હોસ્પિટલમાં ડોક્ટરોની દેખરેખ હેઠળ રખાયા છે.
અફરાતફરીનો માહોલ સર્જાયો હતો
અત્રે ઉલ્લેખનીય છે કે, અમદાવાદની રાજસ્થાન હોસ્પિટલમાં ભીષણ આગ લાગતા અફરાતફરીનો માહોલ સર્જાયો હતો. આ અંગેની જાણ થતાની સાથે જ ફાયર વિભાગની 29 ગાડીઓ ઘટના સ્થળે પહોંચી ગઈ હતી.ફાયરની ટીમ દ્વારા આગ બુજાવવાની કામગીરી હાથ ધરવામાં આવી હતી તેમજ અમદાવાદ પૂર્વના ટ્રાફિક DCP સફિન હસને સહિતના તમામ અધિકારીઓ ઘટનાસ્થળે દોડી આવ્યા હતા. MLA કૌશિર જૈન પણ હોસ્પિટલા ખાતે દોડી આવ્યા હતા.
'આખું બિલ્ડીંગ લાકડાથી બનાવેલું'
અમદાવાદની રાજસ્થાન હોસ્પિટલમાં આગ મામલે ફાયર અધિકારી મિથુન મિસ્ત્રીએ જણાવ્યું હતું કે, રાજસ્થાન હોસ્પિટલની દિવાલો લાકડાની બનેલી છે. હોસ્પિટલની દિવાલો લાકડાથી કવર કરાયેલી છે. હોસ્પિટલમાં જો આગ વધુ પ્રસરી હોત તો મોટું નુકસાન થાત. હોસ્પિટલના આખું બિલ્ડીંગ લાકડાથી બનાવેલું છે અને પાકી દિવાલ બાદ બ્યુટીફીકેશન માટે ચારે તરફ લાકડાની દીવાલ બનાવવામાં આવી છે. જો આગ 10 મીટર વધુ પ્રસરી હોત તો લાકડાની દીવાલ ઝપેટમાં આવી જાત.
